ENGLISH

04 އޭޕްރީލު 2025

Advertisement

ބީއެމްއެލް އިސްލާމިކް އިން ރާއްޖޭގެ ފުރަތަމަ ޝަރީޢާ ކޮމްޕްލައެންޓް ވިސާ ކްރެޑިޓް ކާޑު ތައާރަފްކޮށްފި

29 ނޮވެމްބަރު 2024

|

އާމިނަތު މައިހާ

ބޭންކް އޮފް މޯލްޑިވްސް އިން ޝަރީޢާ ކޮމްޕްލައެންޓް ބީއެމްއެލް އިސްލާމިކް ވިސާ ކްރެޑިޓް ކާޑު އިއްޔެ ތައާރަފް ކޮށްފިއެވެ.

އިއްޔެ ބީއެމްއެލް އިން ކުރި އިއުލާނެއްގައި ބުނެފައިވަނީ މިއީ ކަސްޓަމަރުންނަށް ޚިދުމަތް ފޯރުކޮށް ދިނުމުން އެއްބަސްވެފައިވާ ފީއެއް ނެގޭ ގޮތަށް އިސްލާމިކް ބޭންކް އިން އުޖްރާ އުސޫލުން ފަރުމާ ކޮށްފައިވާ ކާޑެއް ކަމަށެވެ. އަދި މި ކާޑުގެ ޚިދުމަތް ރާއްޖެ އާއި ރާއްޖެއިން ބޭރުގައި ވެސް ލިބޭނެ އެވެ. ކްލެސިކް، ގޯލްޑް، ޕްލެޓިނަމް އަދި ސިގްނޭޗަރ ކާޑު ލިބެން ހުންނަ މި ވިސާ ކާޑުގެ ކަސްޓަމަރުންނަށް، ބީއެމްއެލް ރިވޯޑްސް ޕްރޮގްރާމްގައި ބައިވެރިވެ، ކްރެޑިޓް ކާޑުން ކުރާ މުއާމަލާތް ތަކަށް ޕޮއިންޓް ހޯދޭނެއެވެ.

އިސްލާމިކް ބޭންކިންގެ ޑައިރެކްޓަރު ހަސަން ކަލާމް ވިދާޅުވީ ކަސްޓަމަރުންނަށްދޭ އިސްލާމިކް ބޭންކިންގެ ޚިދުމަތްތައް ފުޅާކޮށް ތަރައްގީ ކުރުމުގެ ތެރެއިން ޝަރުޢީ ހަމަތަކަށް ފެތޭ ކްރެޑިޓް ކާޑު ޕޯރޓްފޯލިއޯއަށް، ވިސާ ކްރެޑިޓް ކާޑު ތައާރަފް ކުރުން ވެގެން ދިޔުމަކީ ލިބޭ އުފަލެއްކަމަށެވެ.

ބީއެމްއެލްގެ އަމާޒަކީ ދުނިޔޭގެ އެކި ކަންކޮޅުތަކުގައި ފޯރުކޮށްދެމުންދާ ވިސާގެ ހިދުމަތްތަކާއި އެއްހަމަ އެއްގައި އިސްލާމިކް ބޭންކިންގެ އުސޫލުތަކާ އެއްގޮތްވާ ގޮތުގެ މަތިން ހިދުމަތް ބޭނުންވާ ކަސްޓަމަރުންނަށް ޙާއްޞަ އަދި ރައްކާތެރި ހިދުމަތެއް ފޯރުކޮށްދިނުންކަމަށް ވެސް ވިދާޅުވި އެވެ.

ކިޔުންތެރިންގެ ހިޔާލު