އަންނަ އަހަރު އިސްލާމިކް ބޭންކިންގެ ގާނޫނެއް އެކުލަވާލައި މަޖިލީހަށް ހުށަހަޅާނެ ކަމަށް މޯލްޑިވްސް މަނިޓަރީ އޮތޯރޮޓީގެ ގަވަރުނަރު އަހުމަދު މުނައްވަރު ވިދާޅުވެއްޖެއެވެ.

ގަވަރުނަރު މުނައްވަރު މިހެން ވިދާޅުވީ އެމްއެމް ޓީވީގެ "ބޮޑު ޚަބަރު" ޕްރޮގްރާމުގައި ވާހަކަފުޅު ދައްކަވަމުންނެވެ.

އިސްލާމިކް ބޭންކުގެ ސެންޓަރެއްގެ ގޮތުގައި ރާއްޖެ ހެދުމަށް ކުރީގެ ސަރުކާރުތަކުން ވެސް މަސައްކަތްކޮށްފައިވާ ކަމަށާއި ނަމަވެސް އެކަމާ ގުޅޭ ޤާނޫނެއް އެކުލަވައި ލެވިފައި ނުވާ ކަމަށް ވެސް އެމްއެމްއޭގެ ގަވަރުނަރު މުނައްވަރު ވިދާޅުވިއެވެ. އެހެންކަމުން އަމާޒަކީ އަންނަ އަހަރު އިސްލާމިކް ބޭންކިންގެ ޤާނޫނެއް އެކުލަވައިލުން ކަމަށް ވެސް ގަވަރުނަރު ވިދާޅުވިއެވެ.

ގަވަރުނަރު ވިދާޅުވި ގޮތުގައި އިތުރު ބޭންކްތައް ރާއްޖެއަށް ތައާރަފް ނުވަނީ އިސްލާމިކް ބޭންކިންގެ ޤާނޫނެއް ނެތި އިތުރު ފަސޭހަ ނެތުމުގެ ސަބަބުން ކަމަށެވެ.