ENGLISH

04 އޭޕްރީލު 2025

Advertisement

ވީއައިއޭ ޓާމިނަލްގެ 85 ޕަސެންޓު ނިމިފައި

27 ނޮވެމްބަރު 2024

|

އާމިނަތު މައިހާ

ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ 85 ޕަސެންޓު މަސައްކަތް ނިމިފައިވާ ކަމަށް އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފު ވިދާޅުވެއްޖެ އެވެ. 

ރައްޔިތުންގެ މަޖިލީހުގެ އެސްއޯއީ ކޮމިޓީގެ ސަބް ކޮމިޓީގެ ބައްދަލުވުމުގައި ޝަރީފު ވިދާޅުވީ އާ ޓާމިނަލުގެ 85 އިންސައްތަ މަސައްކަތް ނިމިފައިވާ ކަމަށާއި އަންނަ އަހަރު މެދުތެރޭގައި އާ ޓާމިނަލް ހުޅުވުމަށް މަސައްކަތް ކުރަމުންދާ ކަމަށެވެ. އަދި އެއާލައިން އޮޕަރޭޓާސް ކޮމެޓީގެ ލަފާ އާއި އެއްގޮތްވާ ގޮތުގެ މަތިން ޓާމިނަލްގެ މަސައްކަތް އެއްކޮށް ނިންމުމަށް ފަހު ހުޅުވުމަށް ތައްޔާރު ވަމުންދާ ކަމަށް ވެސް ފާހަގަ ކުރެއްވި އެވެ. 

އާ ޓާމިނަލް އެއްކޮށް ނުހުޅުވުނު ކަމުގައި ވިޔަސް، ޓާމިނަލްގެ ބައެއް މިއަހަރު ހުޅުވުމަކީ ރައީސް މުއިއްޒުގެ ވައުދެއް ނަމަވެސް މިހާރުގެ ޙާލަތު ރައީސް ޑރ. މުޢިއްޒުގެ ސަމާލުކަމަށް ގެނެވި، އެންމެ ރަނގަޅު ގޮތެއްކަމަށް ފެންނަނީ ޓާމިނަލްގެ މަސައްކަތް އެއްކޮށް ނިންމެވުމަށްފަހު ހުޅުވުންކަމަށް ދަންވަފާއިވާނެ ކަމަށް ވިދާޅުވި އެވެ.

އާ ޓާމިނަލްގައި އެއިރޯ ބޯޑިން ބްރިޖްތަކާއި، އެންމެ ފަހުގެ ޒަމާނީ ބެގޭޖް ހޭންޑްލިން ވެސް ހިމެނޭއިރު ސެލްފް ސާވިސް ޗެކިން ހިދުމަތް ވެސް ގާއިމު ކުރެވިފައި ހުންނާނެ ކަމަށް އެމްއޭސީއެލުން މަޢުލޫމާތު ދީފައިވެއެވެ.

ކިޔުންތެރިންގެ ހިޔާލު