ހުޅުމާލޭގައި ބަރަހަނާކޮށް އުޅުނު މީހަކު ފުލުހުން މިއަދު ހައްޔަރުކޮށްފި އެވެ.

މި މައްސަލައާ ގުޅިގެން ހައްޔަރުކޮށްފައި ވަނީ ފިރިހެނެއް ކަމަށާއި މި މީހާ ހައްޔަރުކޮށްފައި ވަނީ ހުޅުމާލޭ ރެޑްބުލް ސްކޭޓް ޕާކުގައި ބަރަހަނާ ހާލުގައި ހުއްޓާ ކަމަށް ފުލުހުން މައުލޫމާތު ދެއެވެ.

ބަރަހަނާކޮށް މީހަކު ސްކޭޓް ޕާކުތެރޭގައި ހުއްޓާ ފެންނަ ވީޑިއޯއެއް ދަނީ ސޯޝަލް މީޑިއާގައި ދައުރުވަމުންނެވެ. މި ވީޑިއޯގައި އެ މީހާ ސިނގިރޭޓެއް ބޯން ހުރި މަންޒަރު ފެންނައިރު ޓީޝާޓަކާއި ހެލްމެޓަކާއި ދަބަހެއް ކައިރީގައި އޮތް މަންޒަރު ފެނެއެވެ.

އެ މައްސަލައާ ގުޅިގެން އިތުރަށް ބަލަން ޖެހޭ ކަންކަން ބަލަމުންދާ ކަމަށް ފުލުހުން ބުންޏެވެ.