ރާއްޖޭގެ އެންމެ ފުރަތަމަ އައިއެސްއޯ ސަޓިފައިޑް ކޯލް ސެންޓަރުގެ ސެޓްފިކެޓް އުރީދޫ މޯލްޑިވްސް އިން ހޯދައިފިއެވެ.

އުރީދޫއިން ބުނިގޮތުގައި އައިއެސްއޯ ސެޓްފިކޭޝަން ޕްރޮސެސްގެ މަސައްކަތް ދޮޅު އަހަރު ދުވަސް ތެރޭގައި ނިންމައި، އެ ކޯލް ސެންޓަރުގައި އިންޓަނޭޝަނަލް މިންގަނޑުތައް ތަންފީޒުކޮށް، ދެމެހެއްޓެނިވި ގޮތެއްގައި ކަންކަން ރަނގަޅު ކުރެވޭނެ ގޮތްތައް ހޯދައި އަދި އެސެސްމަންޓްތައް ކުރިއަށް ގެންދިއުމުގެ މަސައްކަތް މިދިޔަ ފެބްރުއަރީ މަހު ވަނީ ފަށައިފައެވެ. 

އެ ކުންފުނިން ބުނިގޮތުގައި މި ކޯލް ސެންޓަރު މެނޭޖްމަންޓުގެ މުހިންމު ކަންތައްތަކުގައި ހިމެނެނީ ސާވިސް އެފިޝަންސީ އާއި ރެސްޕޮންސިބިލިޓީ އާއި ކަސްޓަމަރުންގެ ހިތްހަމަޖެހުމާއި ޑޭޓާ ސެކިއުރިޓީ އަދި ސާވިސް ރިލައިބިލިޓީ އެވެ.  

މި ސެޓްފިކޭޝަނުގެ ސަބަބުން ކަސްޓަމަރުންނަށް އީޖާދީ ހިދުމަތް ދިނުމުގައި އެ ކުންފުނިން ކުރަމުން އަންނަ މަސައްކަތުގައި ޔަގީންކަމާއި ރާއްޖޭގެ ޑައިނަމިކް މާކެޓުގެ ކުރިއަރަމުން އަންނަ ޑިމާންޑްތައް ފުއްދުމަށް ރެޒިލިއަންޓް އަދި ހައި ޕާފޯމިން ސާވިސް އިންފްރާސްޓްރަކްޗާއެއް ބިނާކުރުމަށް އެ ކުންފުނިން ދޭ އަހައްމިއްޔަތުކަން ފާހަގަވެގެންދާނެ ކަމެއް ކަމަށް ވެސް ބުނެފައިވެ އެވެ. މީގެ އިތުރުން ކަސްޓަމަރުންނަށް އެންމެ ފެންވަރު ރަނގަޅު ހިދުމަތެއް ފޯރުކޮށްދިނުމަށް އުރީދޫން ކުރަމުން އަންނަ އަމާޒަށް އިތުރު ކުރިއެރުމެއް ލިބިގެންދާ ކަމަށެވެ. އަދި މިކަމުގެ ސަބަބުން ފެނިގެންދަނީ އެ ކުންފުނިން މިހާރު ވެސް ސާވިސް އެކްސަލަންސްއަށް ކުރާ މަސައްކަތްތައް ކަމަށް އުރީދޫން ބުނެ އެވެ.

އުރީދޫން ބުނީ މި ކާމިޔާބީގެ ސަބަބުން ބައިނަލްއަގުވާމީ ބެސްޓް ޕްރެކްޓިސްތައް ގެންގުޅުމަށާއި މަސައްކަތް ކުރުމުގައި ގެންގުޅޭ މިންގަނޑުތަކާއި ކޯލް ސެންޓަރުގެ އޮޕަރޭޝަންތަކުގައި ކަސްޓަމަރުންގެ ތަޖުރިބާގެ ފެންވަރު ރަނގަޅު ކުރުމަށް އުރީދޫން ކުރާ މަސައްކަތްތައް ފެނިގެންދާނެ ކަމަށެވެ.