އައްޑޫ ސިޓީ ހުޅުމީދޫގައި މީހަކަށް ހަމަލާދީ މާރާމާރީ ހިންގައިފި އެވެ.

މާރާމާރީގައި އަނިޔާވީ ކުރީގެ ފުލުހަކަށެވެ. ދިވެހި ފުލުހުންގެ ޚިދުމަތުން ބުނީ ހުޅުމީދޫގައި ބަޔަކު, މީހެއްގެ ގައިގައި ޖަހާ މާރާމާރީ ހިންގި މައްސަލަ ރޭގެ ވަގުތެއްގައި ފުލުހަށް ހުށައަޅާފައިވާ ކަމަށެވެ.

މި މާރާމާރީ ގައި އަނިޔާވި މީހާއަށް ސީރިއަސް އަނިޔާއެއް ނުވާ ކަމަށް ވެސް ބުންޏެވެ. އަދި ބުނީ ފަރުވާ ދިނުމަށް ފަހު މިހާރު އޭނާ ދޫކޮށްލާފައިވާ ކަމަށެވެ.

މާރާމާރީގެ މި މައްސަލަ ތަހުޤީޤު ކުރަމުންދާ ކަމަށް ވެސް ފުލުހުން ބުންޏެވެ.