އެއްގަމު އުޅަނދު ދުއްވުމުގެ ލައިސަންސް ފީ، އެ ޚިދުމަތް ދޭ ރަށެއްގެ ރަށު ކައުންސިލަށް ލިބޭނެ އިންތިޒާމް ހަމަޖައްސައިފިއެވެ.

މި ބަދަލާ ގުޅިގެން، ޓްރާންސްޕޯޓް މިނިސްޓްރީގެ ލައިސަންސް ފީ ބަލައިގަންނަ "ސަވާރީ ޕޭ" ޕޯޓަލްއާ އިންޓަގްރޭޓްކޮށްފައިވާ ކައުންސިލްތަކަށް މިހާރު ލައިސަންސް ފީ ޖަމާވަމުންދާނެއެވެ.

މި އާ އުސޫލުގެ ދަށުން، ކޮންމެ ކައުންސިލަކުން ދޫކުރާ ލައިސަންސަށް ލިބެންޖެހޭ ލައިސަންސް ފީ އާއި އިމްތިޙާނު ހެދުމަށް ނަގާ ފީ އެ ކައުންސިލެއްގެ އެކައުންޓަށް ޖަމާވާ ގޮތަށް ވަނީ ބަދަލުކޮށްފައެވެ. 

"ސަވާރީ ޕޭ" ޕޯޓަލްއާ އިންޓަގްރޭޓް ނުކުރެވި ހުރި ކައުންސިލްތައް ވެސް ވީ އެންމެ އަވަހަކަށް މި ނިޒާމަށް ގެނައުމަށް މިހާރު ދަނީ މަސައްކަތްކުރަމުންނެވެ.