ކަނޑުމަތީ މިރޭ ހިނގި ނުރައްކާތެރި އެކްސިޑެންޓެއް ގައި ތިން މީހަކަށް އަނިޔާ ވެއްޖެ އެވެ.

ދިވެހި ފުލުހުންގެ ޚިދުމަތުން މިރޭ ބުނީ ޅ. މަޑިވަރު އެއާޕޯޓާ ދިމާ ކަނޑުމަތީން ލޯންޗަކާއި ޑިންގީ އެއް ޖެހި އެކްސިޑެންޓް ހިނގާފައިވާ ކަމަށެވެ. އެކްސިޑެންޓްވީ މިރޭ 8:26 ހާއިރު އެވެ.

މިރޭގެ އެކްސިޑެންޓްގައި ތިން މީހަކަށް ވަނީ އަނިޔާވެފަ އެވެ. އެ މީހުންނަށް ޅ އަތޮޅު ހޮސްޕިޓަލްގައި ފަރުވާ ދެމުންދާ ކަމަށް ފުލުހުން ބުންޏެވެ.

ފުލުހުން ބުނީ މިރޭގެ އެކްސިޑެންޓަށް ފަހު ޑިންގީ ގެއްލިފައިވާ ކަމަށެވެ. ބެލެވެނީ އަޑިއަށް ދިޔައީ ކަމަށް ފުލުހުން ބުނެ އެވެ.