ޕޯޗުގަލްއާ ދެކޮޅަށް ކުޅުނު މެޗު 1-1 އިން އެއްވަރުކޮށް ގުރޫޕުގެ ދެވަނަ ޓީމުގެ ގޮތުގައި ޔޫއެފާ ނޭޝަންސް ލީގުގެ ކުއާޓާ ފައިނަލުން ކްރޮއޭޝިޔާ ޖާގަ ކަށަވަރުކޮށްފިއެވެ.

މެޗަށް ނުކުތްއިރު ވެސް މި މެޗަކީ ޕޯޗުގަލްއަށް މާ މުހިންމު މެޗެއް ނޫނެވެ. އެއީ ގްރޫޕްގެ އެއްވަނަ ޓީމުގެ ގޮތުގައި ޕޯޗުގަލް ކުއާޓާ ފައިނަލަށް ދަތުރުކޮށްފައި އޮތުމުންނެވެ. އެހެންކަމުން އެ ޓީމުގެ ތަރި ކްރިސްޓިއާނޯ ރޮނާލްޑޯ އަށް ކޯޗު ވަނީ ރެސްޓް ދީފައެވެ. ކްރޮއޭޝިއާ ޓީމުގެ ތަރި ލޫކާ މޮޑްރިޗް ރޭގެ މެޗުގައި ކުޅުނެވެ. 

މެޗުގެ ލީޑް ފުރަތަމަ ނެގީ ޕޯޗުގަލްއިންނެވެ. އެއީ ޔާއޯ ފެލިކްސް ކާމިޔާބުކޮށްދިން ލަނޑަކުންނެވެ. ދެވަނަ ހާފުގައި ފަހަތުން އަރައި ކްރޮއޭޝިއާ ވަނީ ނަތީޖާ ހަމަހަމަކޮށްފައެވެ. އެއީ ޑިފެންޑަރ ގްވާޑިއޯލް ކާމިޔާބުކޮށްދިން ގޯލުންނެވެ.

މި ގްރޫޕްގެ ތިންވަނައިގައި ސްކޮޓްލޭންޑް އޮތީ ހަތް ޕޮއިންޓާ އެކުއެވެ. އަދި ދެވަނައިގައި ކްރޮއޭޝިއާ އަށް ޕޮއިނޓާއެކު އޮތްއިރު އެއްވަނާގައި ޕޯޗުގަލް އޮތީ 14 ޕޮއިންޓާއެކުއެވެ. ތާވަލުގެ އެންމެ ފުލުގައި ޕޮލެންޑް އޮތީ ހަތަރު ޕޮއިންޓާއެކުއެވެ.