ވިލިމާލެ ފެރީ ޓާމިނަލްގައި ހުންނަ ފިހާރައިގެ ޓިނު ނަގައިގެން ވަދެ ވައްކަން ކޮށްފި އެވެ.

ދިވެހި ފުލުހުންގެ ޚިދުމަތުން މިރޭ ބުނީ މާލޭގައި ހުންނަ އެމްޓީސީސީ ވިލިމާލެ ފެރީ ޓާމިނަލްގައި ހިންގާ ފިހާރައިން ވައްކަން ކޮށްފައިވާ މައްސަލައެއް މިއަދު އެ އިދާރާއަށް ހުށައަޅާފައިވާ ކަމަށެވެ.

ފިހާރައިން ވައްކަން ކުރީ ހުކުރު ވަގުތަށް ބަންދުކޮށްފައި ހުއްޓަ އެވެ. ފިހާރަތެރެއަށް ވަނީ އެ ތަނުގެ ޓިނު ނަގައިގެން ކަމަށް ވެސް ފުލުހުން ބުންޏެވެ.

ފިހާރައަށް ވަދެ ފޯނު އަކާއި ފައިސާ އެ ފިހާރައިން ވަގަށް ގެންގޮސްފައިވާ ކަމަށެވެ. ނަމަވެސް އެއި ކިހާ ފައިސާއެއް ކަމެއް ނުބުނެ އެވެ.

ފުލުހުން ބުނީ ވައްކަމުގެ މި މައްސަލަ ތަޙުޤީޤު ކުރަމުން ކަމަށެވެ.