ވަގުތީ ކޯޗު ކާސްލޭގެ އިރުޝާދުގެ ދަށުން ކުޅުނު ފަހު މެޗުން މޮޅުވެ, ޔުއެފާ ނޭޝަންސް ލީގުގައި އިންގްލެންޑް ގްރޫޕްގެ އެއްވަނަ ކަށަވަރުކޮށްފިއެވެ.

ގްރޫޕް ސްޓޭޖްގެ ފަހު މެޗު އިންގްލެންޑުން ކާމިޔާބު ކުރީ އަޔަލެންޑާ ވާދަކޮށް 5-0 ން އަޔަލެނޑް ބަލިކޮށްގެންނެވެ. މި މޮޅާއެކު އިންގްލެންޑް އޮތީ 15 ޕޮއިންޓާއެކު ގުރޫޕުގެ އެއްވަނައިގައެވެ. ދެވަނައިގައި އޮތް ގްރީސް ވެސް އޮތީ 15 ޕޮއިންޓާ އެކުގައެވެ. އެކަމަކު ދެޓީމްގެ ގޯލްގެ ތަފާތު ބޮޑެވެ.

މެޗުގައި އިންގްލެންޑްގެ ފަސް ލަނޑުވެސް ޖެހީ ދެވަނަ ހާފްގައި، އަޔަލެންޑްގެ ލިއަމް ސްކޭލްސް އަށް ދެވަނަ ރީނދޫ ކާޑާއެކު ރަތްކާޑު ދެއްކި ފަހުންނެވެ. ފުރަތަމަ ލަނޑު ކޭން ޖެހީ ރަތްކާޑާއެކު ލިބުނު ޕެނަލްޓީންނެވެ. އެއީ 53 ވަނަ މިނިޓްގައެވެ. އެއީ ބެލިންގހަމްއަށް ސްކޭލްސް ކުރި ފައުލަކަށް ދިން ޕެނަލްޓީ އެކެވެ. އޭގެ މިނިޓެއް ފަހުން ދެވަނަ ލަނޑު ޖެހީ އެންތަނީ ގޯޑޮން އެވެ. މިއީ އޭނާ އިނގިރޭސި ގައުމީ ޓީމަށް ޖަހައިދިން ފުރަތަމަ ލަނޑެވެ. އިންގްލެންޑްގެ ތިންވަނަ ގޯލް ޖެހީ 58 ވަނަ މިނިޓްގައި ގަލަގާ އެވެ. ހަތަރުވަނަ ލަނޑު 75 ވަނަ މިނިޓްގައި ޖެހީ ބޮވެން އެވެ. މިއީ ބޮވެންގެވެސް ފުރަތަމަ ގޯލެވެ. ފަހު ލަނޑު ޖެހީ ހާވޫޑް ބެލިސް އެވެ. އޭނާ ލަނޑު ޖެހީ ދެވަނަ ހާފްގައި ބަދަލަކަށް ނިކުމެވެ. އޭނާ ދާދި އަވަހަށް ވާނީ އަޔަލެންޑްގެ ކުރީގެ ކެޕްޓަން ރޯއީ ކީންގެ ދަނބި ދަރިއަށެވެ.

ނޭޝަންސް ލީގުގައި ކުޅުނު ހަ މެޗުގެ ތެރެއިން ފަސް މެޗުން ޓީމް މޮޅުކޮށްދިނުމަށްފަހު ވަގުތީ ކޯޗު އިނގިރޭސި އާ ކޯޗު ޓުޗެލްއާ ޓީމް ހަވާލުކުރާނީ އަންނަ އަހަރުގެ ފުރަތަމަ ދުވަހުއެވެ.