އާލިންގ ހާލަންޑުގެ އަޖައިބު ކުރުވަނިވި ހެޓްރިކާ އެކު 5-0 އިން ޔުއެފާ ނޭޝަންސް ލީގުގައި ނޯވޭއިން ކަޒަކިސްތާނު ބަލިކޮށްފިއެވެ.

މެޗުގެ ފުރަތަމަ ދެ ލަނޑު ކާމިޔާބުކޮށްދިނީ ނޯވޭއަށް ކުޅެމުން އަންނަ މެންޗެސްޓަރ ސިޓީގެ ގަދަ ފޯވާޑް ހާލަންޑެވެ. ފުރަތަމަ ހާފް ނިމެނިކޮށް ތިންވަނަ ލަނޑު ޖަހައި ލީޑް ވަރުގަދަކޮށްދިނީ ސޯލޮތުއެވެ. ދެވަނަ ހާފްގައި، 71 ވަނަ މިނިޓްގައި ބާގް ތަނަވަސްކޮށްދިން ފުރުޞަތެއްގެ ބޭނުން ހިފައި ހާލަންޑް ހެޓްރިކް ހެދިއެވެ. އަދި ހަތް ވަނަ މިނެޓުގައި، ޖަރުމަނުގެ ލެއިޕްޒިގްއަށް ކުޅޭ ނުސާ ވަނީ ނޯވޭއަށް ފަސް ވަނަ ލަނޑުޖަހައިދީފައެވެ.

މި މޮޅާއެކު ނޯވޭ ވަނީ 13 ޕޮއިންޓާއެކު ތާވަލުގެ އެއްވަނައަށް ޖެހިލައިފައެވެ. ލީގު ބީގެ ގްރޫޕް ތިނެއްގެ އެއްވަނަ ޓީމުގެ ގޮތުގައި ނޯވޭ ވަނީ އަނެއް ބުރަށް ޕްރޮމޯޓް ވެފައެވެ.

ނޯވޭ ގައުމީ ޓީމަށް އެންމެ ގިނަ ލަނޑު ޖަހައިދީފައިވާ ކުޅުންތެރިޔަކީ ހާލަންޑެވެ. އޭނާ ވަނީ 39 މެޗުން 38 ލަނޑު ޖަހައިދީފައެވެ. ހަތް ގޯލާއެކު ނޭޝަންސް ލީގުގެ ޓޮޕް ސްކޯރަރ އަކީ ވެސް މި ވަގުތު ހާލަންޑެވެ.