ޔުއެފާ ނޭޝަންސް ލީގުގައި ބޮސްނިއާގެ މައްޗަށް 7-0 އިން ކުރި ހޯދައި ޖަރުމަނުން ރެކޯޑް މޮޅެއް ހޯދައިފިއެވެ.

މެޗު ފަށައިގެން ދެ މިނެޓްތެރޭ ލީޑް ނަގައިދިނީ ޖަމާލް މުސިއާލާއެވެ. ތޭވީސް ވަނަ މިނިޓްގައި ދެވަނަ ލަނޑު ޖެހީ ޓިމް ކްލެއިންޑިއެންޓްސް އެވެ. ދެވަނަ ހާފްގައި އޭނާ އިތުރު ލަނޑެއް ވެސް ޖެހިއެވެ. ފުރަތަމަ ހާފްގައި ތިންވަނަ ލަނޑު ޖެހީ ކައި ހާވާޓްޒް އެވެ. ދެވަނަ ހާފްގައި ފްލޯރިއަން ވާޓްޒް ދެ ލަނޑު ޖެހިއެވެ. މީގެއިތުރުން ލަނޑު ޖެހީ ސާނޭ އެވެ.

ހަތް ލަނޑުގެ މޮޅަކީ ނޭޝަންސް ލީގުގެ ރެކޯޑެކެވެ. ހަ އަހަރުވީ މުބާރާތުގައި މިއަދަދަށް އެއް މެޗެއްގައި އެހެން ޓީމަކަށް ލަނޑެއް ނުޖެހެއެވެ. ޖަރުމަނު ވަނީ ފަސް މެޗުން 17 ގޯލް ޖަހައިފައެވެ. މޮޅާއެކު ޖަރުމަނު އޮތީ ލީގުގެ އޭ ގްރޫޕް ތިނެއްގެ އެއްވަނައިގައެވެ. އެއްވަނަ ޓީމުގެ ގޮތުގައި ކްއާޓާ ފައިނަލް ވަނީ ޔަގީން ވެފައެވެ.

ލީގުގައި ތުރުކީ އާއި ވޭލްސް ވާދަކުރި މެޗު ނިމުނީ ލަނޑެއް ނުޖެހި އެއްވަރު ވެގެންނެވެ. މެޗުގެ އެންމެ ފަހު މިނިޓްގައި ތުރުކީއަށް ލިބުނު ޕެނަލްޓީ ވެސް ކާމިޔާބެއް ނުކުރެވުނެވެ.