ހދ. ހަނިމާދޫ އެއާޕޯޓުން ފަތުރުވެރިންގެ އަތުން އަތުލައިގަތް ގިނަ އަދަދެއްގެ ބަނގުރާ ފުޅި އާއި ދަޅު ނަތައްލާއިފިއެވެ.

ފުލުހުން މަޢުލޫމާތު ދިން ގޮތުގައި ނައްތާލާފައިވަނީ ހަނިމާދޫ ޕޮލިސް ސްޓޭޝަނުގެ ބެލުމުގެ ދަށުގައި ހުރި ބަނގުރަލެވެ.

އެ ތަކެތި ނައްތާލީ މި މަހުގެ 15 ވަނަ ދުވަހު ކަމަށާއި ނައްތާލާފައި ވަނީ 215 ފުޅި ބަނގުރަލާއި 4 ދަޅު ބަނގުރާ ކަމަށް އެ އިދާރާއިން ބުންޏެވެ.

ބަނގުރާ ނައްތާލާފައިވަނީ ފުލުހުންގެ ބެލުމުގެ ދަށަށް ގެނެވޭ ބަނގުރަލާއި ބަނގުރަލުގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި އަމަލުކުރާނެ ގޮތުގެ ގަވާއިދުގެ ދަށުން އެކަމަށްޓަކައި އެކުލަވައިލި ކޮމިޓީގެ ބެލުމުގެ ދަށުންނެވެ.