"ރައްޔިތުން ހަގީގީ މާނައިގަ ބާރުވެރިކުރުވަންށޭ އަޅުގަނޑު ބޭނުންވަނީ. އިންތިޚާބު ވުމަށްފަހު ދެން އޭނަ ގައިގަ އަތްލެވޭނެ ގޮތެއް ނޯވޭ. ރައްޔިތުންނަށް އަތްލެވޭނެ ގޮތެއް. ގޯސް ކަމެއް ކޮށްގެން. ކައުންސިލަރެއް ކަމުގައި ވިޔަސް، މަޖިލިސް މެންބަރެއް ކަމުގައި ވިޔަސް އަދި އެއްވެސް މަގާމަކަށް ރައްޔިތުން އިންތިޚާބުކޮށްފަ ހުންނަ މީހަކު، އެ މީހަކު ރައްޔިތުންނަށް ވަކި ކުރެވޭނެ ގޮތެއް ނެތް، އަދިއެއް." - ރައީސުލްޖުމްހޫރިއްޔާ ޑރ. މުހައްމަދު މުއިއްޒު

"އަޅުގަނޑު މި ހުށަހަޅަނީ ރިކޯލް ވޯޓު ނުވަތަ ރައްޔިތުން ގާތަށް އަނބުރާ ދާން ސުވާލު ކުރުމުގެ ފުރުސަތު، ރައްޔިތުން އޭނަ ވަކިކުރަން ބޭނުންވަންޏާ ވަކިކުރުމުގެ ފުރުސަތު ލިބޭ ގޮތަށް ގާނޫނަށް އިސްލާހު ހުށަހަޅަން. މާނައަކީ މިސާލަކަށް ރައްޔިތުންގެ މަޖިލީހުގެ މެންބަރަކު ނުވަތަ ކައުންސިލް މެންބަރަކު ވަކި ކުރަން ރައްޔިތުން ބޭނުން ވަނީ. އަދި އެ ނޫން މަގާމެއްގައި ހުރި މީހެއް ކަމުގައި ވިޔަސް ރައްޔިތުން އެ މީހަކު ވަކި ކުރަން ބޭނުން ވަންޏާ އެއީ އަޅުގަނޑުވެސް ހިމެނޭ ގޮތަށް އެ މީހަކު އިންތިޚާބު ކުރުމަށްޓަކައި ވޯޓުލުމުގެ ހައްގު އޮތް މީހުން، އެ މީހަކު ހޮވުމުގެ ހައްގު އޮތް މީހުންގެ ދެބައިކުޅަ އެއްބަޔަށް ވުރެ ގިނަ މީހުން ބޭނުންވަންޏާ އޭނަގެ މަގާމުން އޭނަ ދުރުކުރުން. " - ރައީސުލްޖުމްހޫރިއްޔާ ޑރ. މުހައްމަދު މުއިއްޒު