އިންޑިއާގެ މަޝްހޫރު ވިޔަފާރިވެރިޔާ އަދި ބިލިއަނަރު މުކޭޝް އަންބާނީގެ ދަރިފުޅު އާނަންތު އަމްބާނީ ސޮނެވާ ސީކްރެޓް ރިސޯޓުގައި އާއިލާއާއެކު ޗުއްޓީ ހޭދަކުރަމުން ހދ. މަކުނުދޫއަށް ޒިޔާރަތްކޮށްފިއެވެ.

މަކުނުދޫއިން މައުލޫމާތުދިން ގޮތުގައި އާނަންތު މަކުނުދޫއަށް ދިޔައީ އޭނާގެ ބޮޑީީ ގާޑާއެކު ޖެޓް ސްކީއެއްގައެވެ. އަދި އޭނާގެ ޑޮކްޓަރާއި އާނަންތުގެ ޗުއްޓީ ކަންކަން އިންތިޒާމްކުރުމުގައި ހަރަކާތްތެރިވާ އިތުރު މީހަކު އެހެން ޖެޓް ސްކީއެއްގައި އާނަންތުއާއެކު މަކުނުދޫއަށް ދިޔަ ކަމަށްވެއެވެ.

އޭގެ ފަހުން ތިން ލޯންޗުގައި، އޭނާގެ ސެކިއުރިޓީ ބަލަހައްޓާ ޚާއްސަ ބޮޑީ ގާޑުން މަކުނުދޫއަށް ދިޔަ ކަމަށް އެރަށުން ވާހަކަ ދެއްކިި މީހަކު ބުންޏެވެ. 

ދުނިޔޭގެ އެންްމެ ބޮޑު އެނިމަލް ޝެލްޓާ ގެންގުޅޭ އަދި ޖަނަވާރުންނާއި ދޫނި ސޫފާ ސޫފިދެކެ އިންތިހާއަށް ލޯބިވާ އާނަންދު މަކުނުދޫއަށް އަރައި، ރަށުގެ ބައެއް މީހުންގެ ކައިރީ އެހީ ކުކުޅާއި މުސަޅާއި ދޫނި ލިބޭނެ ތަނެއް ދެއްކުމަށެވެ. 

މުހައްމަދު ޝާނިފް ކިޔާ މަކުނުދޫ މީހަކު އާނަންތުއަށް ކުކުޅު ފާމަކާއި ދޫނި ގެންގުޅޭ ތަނެއް ވެސް ދެއްކިކަމަށް ވެއެވެ. 

އެރަށު ބައެއް މީހުން މައުލޫމާތުދިން ގޮތުގައި އާނަންތު އެރަށުން ކުކުޅަކާއި މުސަޅެއް ގަަނެގެން ރިސޯޓަށް ގެންދިޔައެވެ.