ސުލްހަވެރިކަން ބިނާވަނީ މަޝްވަރާ އާއި އިންސާފުގެ މައްޗަށް ކަމަށް ރައިސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.

ރައީސް މިހެން ވިދާޅުވީ ސުލްހައަށްޓަކައި ޑިޕްލޮމަސީއާއި ގިނަ ދައުލަތް ބައިވެރިވާ ގުޅުންތަކުގެ ބައިނަލްއަގްވާމީ ދުވަހާއި ގުޅުވައި އެކްސް ގައި މިއަދު ކުރެއްވި ޕޯސްޓެއްގަ އެވެ.

މިފަދަ ދުވަހެއް ފާހަގަކުރަމުންދަނީ، ހަމަނުޖެހުންތަކާއި ނަހަމަކަމާއި މޫސުމީ ބަދަލުތަކުގެ ތެރޭގައިކަން ފާހަގަކުރައްވަމުން ރައީސް ވަނީ ސުލްހަވެރިކަން ބިނާވަނީ ހަމައެކަނި ހަނގުރާމަތައް ނުކުރުމުގެ މައްޗަށް ނޫންކަން ފާހަގަކުރައްވާފަ އެވެ. ރައީސް ވިދާޅުވި ގޮތުގައި ސުލްހަވެރިކަމަށްޓަކައި މަޝްވަރާ އާއި، އިންސާފާއި ވަށާޖެހޭ ފިޔަވަޅުތަކެވެ.

ރައީސް ވިދާޅުވީ ބައިބައިވެފައިވާ މި ދުނިޔޭގައި ވެސް ގައުމުތަކުން ގުޅުން ބަދަހިކޮށް އެކުގައި މަސައްކަތް ކޮށް އިތުބާރު ދަމަހައްޓަމުންދާތީ އެކަމުން އުއްމީދު ލިބިގެންދާ ކަމަށެވެ.