ކ. އުތުރުތިލަފަޅުގައި ހުރިހާ ޖަލެއް އެއްކޮށްލައިގެން ހަދާ 'ސެންޓްރަލް ޕްރިޒަން' އާއި ކުށް ކުރާ ކުދިން ކުށުގެ މާޙައުލުން ދުރުކޮށް އެކުދިން ރަނގަޅު މަގަށް ގެނައުމަށް 'ހޯޕް އައިލެންޑް' ގެ ނަމުގައި ގާއިމުކުރުމަށް ހަމަޖެހިފައިވާ ރީހެބިލިޓޭޝަން ފެސިލިޓީ އަށް އިންވެސްޓަރުން ހޯދަން ހުޅުވާލައިފި އެވެ.

އެ ދެ މަޝްރޫއުއަށް 'އެކްސްޕްރެޝަން އޮފް އިންޓްރެސްޓް' ހުށަހެޅުމުގެ ފުރުސަތު ހުޅުވާލައި، މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީން ކޮށްފައިވާ އިއުލާނުގައި ވަނީ މި މަޝްރޫއަށް ހޭދަވާ ހަރަދުތައް ފޫބެއްދުމަށްޓަކައި ފައިދާ ވާނެ ގޮތްތަކެއް ހުށަހެޅުމުގެ ފުރުސަތު އިންވެސްޓަރުންނަށް އޮންނާނެ ކަމަށް ބުނެފަ އެވެ.

އެ ފަރާތްތަކަށް މި މަޝްރޫއު 4 ގޮތަކަށް ހިންގަން ހުށަހެޅިދާނެ ކަމަށް އެ އިއުލާނުގައިވެ އެވެ.  އެއީ:

އުތުރުތިލަފަޅުގެ 15 ހެކްޓަރުގެ ބިމެއްގައި ގާއިމުކުރާ ހޯޕް އައިލެންޑް ގާއިމުކުރުމަށް ހަމަޖެހިފައިވަނީ 700 މީހުންގެ ޖާގަ ހުންނާނެ ގޮތަށެވެ. ސެންޓްރަލް ޖަލު އެޅުމަށް ހަމަޖެހިފައިވަނީ 6000 މީހުންގެ ޖާގަ ހުންނާނެ ގޮތަށެވެ.  މި ދެ މަޝްރޫއު ނިންމުމަށްފަހު 2027 ވަނަ އަހަރުގެ އޮކްޓޯބަރުގެ ކުރިން ސަރުކާރާއި ހަވާލުކުރަންޖެހޭނެ ކަމަށް ވެސް އެ އިއުލާނުގައި ބުނެފައިވެ އެވެ.

މިނިސްޓްރީން ވަނީ މި މަހުގެ 27 ވަނަ ދުވަހުގެ 14:00 އާ ހަމަޔަށް އީއޯއައި ހުށަހެޅުމުގެ ފުރުސަތު ހުޅުވާލާފަ އެވެ.