އެމްއާރްއޭސީއަށް ރިސޯޓެއް ތަރައްގީކުރުމަށް ކ.އަތޮޅުން ދޫކޮށްފަައިވާ ފަޅުގައި މަސައްކަތް ހިނގަމުން އަންނަ ގޮތް ބައްލަވައިލެއްވުމަށް ތިމާވެއްޓާއި ފަތުރުވެރިކަމާ ބެހޭ ވަޒީރު ތޯރިގު އިބްރާހީމް އިއްޔެ އެތަނަށް ވަޑައިގެން މަސައްކަތް ކުރިއަށްދާ ގޮތް ބައްލަވާލައްވައިފިއެވެ. 

މިނިސްޓްރީން ބުނި ގޮތުގައި އެ ރަށް ތަރައްގީކުރުމުގެ މަސައްކަތް މިހާރު ގޮސްފައިވާ ހިސާބާއި މަސައްކަތް ކުރިއަށްދާ ގޮތް މިނިސްޓަރު ބައްލަވާލައްވާފައިވެއެވެ. އެ މަސައްކަތްކުރާ ސަރަހަައްދަށް މިނިސްޓަރު ވަޑައިގަތުުން އެ މަޝްރޫއު މެނޭޖުކުރާ ޓީމުން މިނިސްޓަރަށް ވަރަށް ހޫނު މަރުހަބާއެއް ދަންނަވާފައިވެއެވެ. 

މި ޒިޔާރަތުގައި މިނިސްޓަރު ތޯރިގުވަނީ އެ މަޝްރޫއުގެ މުހިއްމު ކާމިޔާބުތައް ބައްލަވައިލައްވައި، އެ މަޝްރޫއު ހިންގުމަށް ވަމުންދާ ތައްޔާރީތައް ބަައްލަވައިލައްވާފައިވެއެވެ. އެގޮތުން ހިއްކާފައިވާ ބިމުގެ ސަަރަހައްދާއި އެ ބިން ހިމާޔަތްކުރުމަށް ތޮށިލުމަށް ކުރަމުންދާ މަސައްކަތްތައްވެސް މިނިސްޓަރު ބައްލަވައިލެއްވިއެވެ.

ރައީސުލްޖުމްހޫރިއްޔާ ޑރ.މުހައްމަދު މުއިއްޒު ފައްޓަވާފައިވާ ފަސް މިލިއަން ގަސް މަޝްރޫއުގެ ދަށުން، ހިއްކާފައިވާ ފަސްގަނޑުގައި މިނިސްޓަރުވަނީ ރުކެއް އިންދަވާދެއްވާފައެވެ.