ENGLISH

06 އޭޕްރީލު 2025

Advertisement

ހުޅުލޭ އެއާޕޯޓަށް ފުރަންދިޔަ މީހެއްގެ އަތުން ވަޒަންތަކެއް ފެނިއްޖެ

05 އޭޕްރީލު 2025

|

ފަޒީލް ޢަބްދުލް ލަތީފު

ވެލާނާ އިންޓަރނޭޝަނަލް އެއަރޕޯޓުގެ ފުރާ މީހުންގެ ދޮރާށިިން ބަޔަކު އެތެރެއަށް ވަންނަނީ-- ފޮޓޯ/ ކޮރަލްގްލާސް

ދިވެހިރާއްޖޭގެ މައި އެއާޕޯޓު، ވެލާނާ އިންޓަރނޭޝަނަލް އެއާޕޯޓަށް ފުރަންދިޔަ މީހެއްގެ އަތުން ވަޒަންތަކެއް ފެނިއްޖެއެވެ.

ފުލުހުން ބުނީ ވަޒަންތައް ފެނިފައިފައިވަނީ ރޭ ވެލާނާ އިންޓަރނޭޝަނަލް އެއާޕޯޓަށް ފުރަންގޮސްހުރި ބިދޭސީއެއްގެ އަތުން ކަމުގައެވެ. އަދި މި ބިދޭސީ މީހާއަކީ ޓޫރިސްޓު ވިސާގައި ރާއްޖެ އައިސްފައިވާ ފަރާތެއްކަމަށްވެސް ފުލުހުން ހާމަކޮށްފައިވެއެވެ.

މިމައްސަލާގައި، ރޭގެ ވަގުތެއްގައި އެމީހާ ފުލުހުންގެ ބެލުމުގެދަށަށް ގެންގޮސްފައިވާ ކަމަށާއި އަދި ފުލުހުންގެ ހައްޔަރުގައި އޭނާ ބެހެއްޓުމާ ގުޅޭ ގޮތުން ގޮތެއް ނިންމުމަށް ކޯޓަށް ހާޒިރު ކޮށްފައިވާ ކަމަށްވެސް ދިވެހި ފުލުހުންގެ ހިދުމަތުން މައުލޫމާތުދެއެވެ.

ބައްދުގަައި ބަހައްޓައިގެން ތަހުގީގު ކުރިޔަށް ގެންދިޔުމަށް ފުލުހުން އޭނާ ކޯޓަށް ގެންދިޔުމުން، ކޯޓުންވަނީ 6 ދުވަހަށް ބައްދު ކުރުމަށް އަމުރު ކޮށްފައެވެ.

ހައްޔުކުރި މީހާއާ ގުޅޭ އަދި މި މައްސަލައާ ގުޅޭ އިތުރު ތަފްސީލެއް ފުލުހުން އަދި ހާމަކޮށްފައެެއްނުވެއެެވެ.

މި މައްސަލަ ދިވެހި ފުލުހުންގެ ހިދުމަތުން އަންނަނީ ތަހުގީގުކުރަމުންނެވެ.

ކިޔުންތެރިންގެ ހިޔާލު