ENGLISH
04 އޭޕްރީލު 2025
ރައީސާ ބައްދަަލުވުމަކީ އުފަލެއް، ލިވަޕޫލާ ރާއްޖެ ގުޅުން ބިނާވަނީ ހިއްސާވަނިވި އަގުކުރުންތަކެއްގެ މައްޗަށް: އިއާން
03 އޭޕްރީލު 2025
|
ރައީސް ޑރ.މުޙައްމަދު މުޢިއްޒު އިއާން ރަޝްއާ ބައްދަލުކުރެއްވުން، ފޮޓޯ: ރައީސް އޮފީސް
އެންމެ މަޤްބޫލު
ރައީސުލްޖުމްހޫރިއްޔާ ޑރ.މުޙައްމަދު މުޢިއްޒާ ބައްދަލުވެވަޑައިގަތުމަކީ ލިބިވަޑައިގެންނެވި އުފަލެއްކަމަށް ލިވަޕޫލު ފުޓުބޯޅަ ކުލަބުގެ ލެޖެންޑް އިއާން ރަޝް ވިދާޅުވެއްޖެއެވެ.
ލިވަޕޫލަަށް އެންމެ ގިނަ ލަނޑު ޖަހައިދިނުމުގެ ޝަރަފު އަދިވެސް އޮތް އިއާނަކީ އެ ކުލަަބުގެ ފޭނުން ނުހަނު ލޯބިވާ އެ ކުލަބުގެ ލެޖެންޑެކެވެ. ލިވަޕޫލާއި އެމްއެމްޕީއާރުސީ ގުޅިގެން ރާއްޖޭގެ ޓޫރިޒަމް ޕްރޮމޯޓުކުރުމަށް ފަށާފައިވާ ހަަރަކާތް އިފުތިތާހުކޮށްދެއްވުމަށް ލިވަޕޫލަށް ކުރައްވަމުންދާ ދަތުރުފުޅުގެ ތެރެއިން ރައީސްވަނީ އިއާންއާ ބައްދަލުކުރައްވާފައެވެ.
ދެ ބޭފުޅުން އެއްކޮށް ތިއްބެވި ފޮޓޯއެއް އިންސްޓަގްރާމުގައި ހިއްސާކުރައްވައި އިއާން ވިދާޅުވީ ރައީސް ލިވަޕޫލުގެ ދަނޑު އެންފީލްޑަށް ވަޑައިގަތުމުން މަރުހަބާ ދެންނެވުމަަކީ ލިބިވަޑައިގަތް އުފަލެއް ކަމަށެވެ. އަދި ލިވަޕޫލާއި ވިޒިޓް މޯލްޑިވްސްގެ މެދުގައި ގާއިމުކުރެވުނު ގުޅުމަށްވެސް އިއާން ތާރީފުކުރެއްވިއެވެ.
އެގޮތުން 200 މިލިއަނެއްހައި ފޮލޮވަރުންނާއި، 12 ބިލިއަން ވީއުސްއާއެކު ލިވަޕޫލަކީ ދުނިޔޭގެ އެކި ކަންކޮޅުތަކުގައި ތިބި އެ ޓީމުގެ ސަޕޯޓަރުން ގުޅުވައިލުމުގައި އެހެން ޓީމުތަކަށް މަގުދައްކަމުންދާ ޓީމެއްގެ ގޮތުގައި ސިފަކުރައްވަމުން، އިއާން ވިދާޅުވީ ލިވަޕޫލު ރާއްޖެ ގުޅުމަކީ ހަމައެކަނި ޓޫރިޒަމާ ގުޅިފައި އޮތް ގުޅުމެއް ނޫން ކަމަށެވެ.
އޭނާ ވިދާޅުވި ގޮތުގައި އެ ގުޅުމަކީ ދެމެހެއްޓެނެވި ތަރައްގީއާއި ދުނިޔެ ހިމާޔަތްކޮށް ރައްކާތެރިކުރުން ފަދަ ހިއްސާވަނިވި އަގުކުރުންތަކުގެ މައްޗަށް ބިނާވެފައިވާ ގުޅުމެކެވެ.
ވިޒިޓް މޯލްޑިވްސްއަކީ ރާއްޖޭގެ ހާއްސަ އަދި ތަފާތު ތިމާވެށި ރައްކާތެރިކޮށް، ކަނޑުގެ ދިރުންތައް ރައްކާތެރިކުރުމަށް ބޮޑު އިސްކަމެއްދިނުމާއެކު، ދެމެހެއްޓެނެވި ފަތުރުވެރިކަން އިސްކޮށްގެން މަސައްކަތްކުރާ ބްރޭންޑެއް ކަމަށް އޭނާ ވިދާޅުވިއެވެ. އަދި ކަނޑުތައް ހިމާޔަތްކުރުމަކީ ޖަޒީރާ ގައުމުތަކަށް އަދި ހާއްސަކޮށް ކަނޑުގެ ލޮނުގަނޑު އުފުލުމުގެ ހިރާސް ބޮޑެތި ގައުމުތަކަށް މުހިއްމު ކަމެއްގެ ގޮތުގައި އޭނާ ފާހަގަކުރެއްވިއެވެ.
އަދި މޫސުމީ ބަދަލުތަކަށް ހޭނުމާއި ކަނޑުތައް ހިމާޔަތްކުރުމަށް ރާއްޖެއިން ކުރާ މަސައްކަތްތަކުގައި ލިވަޕޫލުން އެއްބާރުލުންދީ އެކުގައި މަސައްކަތްކުރާނެ ކަމަަށެވެ. އެގޮތުން އެކަމުގައި އެ ކުލަބުގެ ސަސްޓެއިނިބިލިޓީ ޕްރޮގުރާމުތައް ބޭނުންހިފާނެ ކަމަށް އިއާން ވިދާޅުވިއެވެ.