އދ. މާމިގިލީ ކަނދިލި މިސްކިތް ތަރިކައިގެ ރަސްމީ ލިސްޓުގައި ހިމަނަން މިނިސްޓްރީ އޮފް ދިވެހި ލެންގްއޭޖް ކަލްޗާ އެންޑް ހެރިޓޭޖުން ނިންމައިފި އެވެ.

އެ މިނިސްޓްރީން ބުނި ގޮތުގައި މިއީ ވަރަށް މަތީފެންވަރުގެ ރީތި ހިރިގަލުގެ ފަންނީ މަސައްކަތްތަކެއް ފެންނަ މިސްކިތެކެވެ.

އެ މިސްކިތް ތަރިކައިގެ ލިސްޓުގައި ހިމެނުމާއި ގުޅޭގޮތުން މިނިސްޓަރު އާދަމް ނަޞީރު އިބްރާހީމާއި މާމިގިލީ ކައުންސިލްގެ ރައީސް ޢިމާދު ފާރޫޤު މަޝްވަރާ ކުރައްވާފައިވާ ކަމަށް އެ މިނިސްޓްރީން ބުނެ އެވެ.

ރާއްޖޭގައި ހުރި ތާރީޚީ ތަންތަން ރައްކާތެރިކޮށް އެތަންތަން ހިމާޔަތް ކުރުމަށް މަސައްކަތް ކުރުމަކީ ސަރުކާރުގެ ވަރަށް ބޮޑު އަމާޒެކެވެ. އެ މަސައްކަތަށް ޚާއްސަކޮށް މިނިސްޓްރީއެއް އުފައްދާ އެފަދަ ތަންތަން ހުރި ހާލަތު ބަލާ އެ ތަންތަން ރައްކާތެރި ކުރުމަށް ޚާއްސަ އިސްކަމެއް ދީގެން ސަރުކާރުން ދަނީ މަސައްކަތް ކުރަމުންނެވެ.