ENGLISH
04 އޭޕްރީލު 2025
ސާދަ އެންޓަޓައިންމެންޓްގެ ފަރާތުން ބޭއްވި "ސަގާފީ ފެސްޓިވަލް" ކާމިޔާބުކަމާއެކު ނިންމާލައިފި
03 އޭޕްރީލު 2025
|
ސާދަ އެންޓަޓައިންމެންޓްގެ ފަރާތުން އިންތިޒާމުކޮށްގެން ބޭއްވި "ސަގާފީ ފެސްޓިވަލް" ގެ ތެރެއިން
އެންމެ މަޤްބޫލު
ދިވެހީންގެ ސަގާފީ ހަރަކާތްތައް ދިރުވާ އާލާ ކުރުމުގެ މަގުސަދުގައި ސާދަ އެންޓަޓައިންމެންޓްގެ ފަރާތުން އިންތިޒާމުކޮށްގެން ބޭއްވި "ސަގާފީ ފެސްޓިވަލް" ކާމިޔާބުކަމާއެކު ނިންމާލައިފިއެވެ. ފިތުރު ޢީދާ ގުޅުވައިގެން ބޭއްވި މި ފެސްޓިވަލް ކުރިޔަަށް ގެންގޮސްފައިވަނީ 3 ދުވަހުގެ މުއްދަކަށް މާލޭ އާޓިފިޝަލް ބީޗު ސަރަހައްދުގައެވެ.
މި ފެސްޓިވަލުގައި ދިވެހީންގެ ތަފާތު ސަގާފީ ހަރަކާތްތައް ވަނީ ދައްކާލާފައެވެ. ސަގާފީ ނެށުންތަކާއި، ރާއްޖޭގެ ތަފާތު ބޮޑުބެރު ގުރޫޕުތަކުގެ ހުށަހެޅުންތައް ވެސް ފެނިގެންގޮސްފައިވެއެވެ. މީގެ ތެރޭގައި ހިޔަލަ ސަގާފީ ޑާންސް ގުރޫޕް، ހޭވައްލާ އަދި 1438 ބޮޑުބެރު ގުރޫޕު ހިމެނެއެވެެ.
ސާދަ އެންޓަޓައިންމެންޓްގެ ފަރާތުން އިންތިޒާމުކޮށްގެން ބޭއްވި "ސަގާފީ ފެސްޓިވަލް" ގެ ތެރެއިން
ފެސްޓިވަލުގެ ތެރެއިން ކުޑަކުދިންނާގުޅޭ ތަފާތު ހަރަކާތްތަކާއެކު ކުޑަކުދިންގެ ހަވީރެއްވެސް ބާއްވާފައިވެއެވެ. މި ހަވީރުގައި ބޮޑުމަސް ދުއްވުން، މާލި ނެރުން ފަދަ ހަރަކާތްތައް ކުރިޔަށްގެންދެވުނެވެ. މީގެ އިތުރުންވެސް ކުޑަކުދިންނާގުޅޭ ތަފާރު ކެރެކްޓާތައްވެސް ފެސްޓިވަލުގައި ހަރަކާތްތެރިވެފައިވެއެވެ.
ސާދަ އެންޓަޓައިންމެންޓްގެ ފަރާތުން އިންތިޒާމުކޮށްގެން ބޭއްވި "ސަގާފީ ފެސްޓިވަލް" ގެ ތެރެއިން
މީގެ އިތުރުން މި ފެސްޓިވަލު ކުރިއަށްދިޔަ އާޓިފިޝަލް ބީޗުގައި، ރާއްޖޭގެ ކުދި ވިޔަފާރިތަކަށް އެފަރާތްތަކުގެ އުފެއްދުންތައް އިޝްތިހާރުކޮށް ވިއްކުމުގެ ގޮތުން ސްޓޯލްތައް ދޫކޮށްފައިވެއެވެ. ވަރަށް ގިނަ ދިވެހިވަންތަ އަމިއްލަ އުފެއްދުންތައް މި ސްޓޯލްތަކުން ފެނިގެންދިޔައެވެ. އެގޮތުން ޓީޝާޓް، ކީޗެއިން، ތަފާތު ވައްތަރުގެ ގަހަނާ، ގޭތެރެ ޒީނަތްތެރިކުރުމަށް ބޭނުންކުރާ ތަކެތި، އަދި ދިވެހި ސަގާފަތް ރަމްޒުކޮށްދޭ އުފެެއްދުންތައްވެސް މި ފެސްޓިވަލުން ފެނިގެން ގޮސްފައިވެއެވެ.
މީގެ އިތުރުން %100 ދިވެހި އުފެއްދުންތައް ލިބޭ ކާއެއްޗިހީގެ ސްޓޯލްތައްވެސް މިފެސްޓިވަލުގައި ބައިވެރިވެފައިވެއެވެ. މިފެސްޓިވަލުގައި ގިނަ އަދަދަކަށް ކުދި އަދި މެދުފަންތީގެ ވިޔަފާރިކުރާ ކަނބަލުން ބައިވެރިވެފައިވެއެވެ. މި ފެސްޓިވަލުގައި ބައިވެރިވި ފަރާތްތަކުގެ ޝުޢޫރުތަކުން އެނގިގެން ދިޔައީ މިއީ ކުދި ވިޔަފާރިތައް އިތުރަށް ފުޅާކުރުމަށް ލިބުުނު ވަރަށް ރަނގަޅު ފުރުސަތެއްކަމުގައެވެ. މިފެސްޓިވަލުގައި ގިނަ އަދަދަކަށް ކުދި އަދި މެދުފަންތީގެ ވިޔަފާރިކުރާ ކަނބަލުން ބައިވެރިވެފައިވެއެވެ.
ސާދަ އެންޓަޓައިންމެންޓްގެ ފަރާތުން އިންތިޒާމުކޮށްގެން ބޭއްވި "ސަގާފީ ފެސްޓިވަލް" ގެ ތެރެއިން
މި ފެސްޓިވަލ އިންތިޒާމުކުރި ސާދަ އެންޓަޓައިންމެންޓުގެ ފަރާތުން މައުލޫމާތުދޭ ގޮތުގައި މިއީ ވަރަށް ކާމިޔާބު ފެސްޓިވަލެކެވެ. ސަގާފީ ހަރަކާތްތައް ދައްކާލުމުގެ ފުރުސަތު ގިނަ ފަރާތްތަކަކަށް ތަނަވަސް ކޮށްދެއްވުމަކީ ލިބުނު ވަރަށް ބޮޑު ހިތްހަމަ ޖެހުމެއް ކަމަށް އެފަރާތުން ފަހަގަކުރިއެވެ. އަދި މިފެސްޓިވަލުގައި ބައިވެރިވި ރާއްޖޭގެ ކުދި ވިޔަފާރިތަކަށް އިތުރު އެކްސްޕޯޝާއެެއް މި ފެސްޓިވަލްގެ ފަރާތުން ލިބިގެންދާނެކަމަށް އުއްމީދުކުރާ ކަމަށްވެސް ބުނެފައިވެއެވެ.
މިދިޔަ އަހަރުވެސް މިފެސްޓިވަލް ބާއްވާފައިވާއިރު، ސާދަ އެންޓަޓައިންމެެންޓުގެ ފަރާތުން ބުނެފައިވަނީ މިއަހަރު ލިބުނު ތަރުހީބުގެ ސަބަބުން އަންނަ އަހަރު މިއަހަަރަށްވުރެ ފުރިހަމަ ފެސްޓިވަލެއް ބޭއްވުމަށް ހިތްވަރު ލިބިއްޖެކަމަށެވެ. ސާދަ އެންޓަޓައިންމެންޓުގެ ފަރާތުން ވަނީ މި ފެސްޓިވަލުގެ ޓައިޓަލް ސްޕޮންސަރ ހޮންޑާގެ ފަރާތުން ލިބުނު އެހީތެރިކަމަށް ޝުކުރު އަދާކޮށްފައެވެ.