ENGLISH

04 އޭޕްރީލު 2025

Advertisement

އެމްޑަބްލިއުއެސްސީއާ ހަވާލުކޮށްފައިވާ ފެނާއި ނަރުދަމާގެ މަޝްރޫއުތަކުގެ މަސައްކަތް ފަށައިފި

03 އޭޕްރީލު 2025

|

ޝަރާ އަބްދުﷲ

އެމްޑަބްލިޔުއެސްސީން ޅ. އޮޅުވެލި ފުށީގައި ބައެއް މަސައްކަތް ކުރަނީ-- ފައިލް ފޮޓޯ/ އެމްޑަބްލިޔުއެސްސީ

ސާފުފެނާއި ރައްކާތެރި ނަރުދަމާ މުޅި އާބާދީއަށް ކަށަވަރުކޮށްދިނުމުގެ ސިޔާސަތުގެ ދަށުން 9 ރަށެއްގައި މަޝްރޫއުތަކުގެ އަމަލީ މަސައްކަތް ފަށާފައިވާ ކަމަށް ސަރުކާރުގެ ފެން ކުންފުނި މޯލްޑިވްސް ވޯޓާރ ސްވަރޭޖެސް ކޮމްޕެނީ (އެމްޑަބްލިއުއެސްސީ)ގެ މެނޭޖިންގ ޑިރެކްޓާރ ޢަބްދުލްމަޠީން މުޙައްމަދު ވިދާޅުވެއްޖެއެވެ.

ރަސްމީ އެކްސް އެކައުންޓުގައި ކުރެއްވި ޕޯސްޓެއްގައި މަޠީނު ވިދާޅުވީ ގެދޮރުވެރިކަމާއި ބިނާރާ ބެހޭ ވުޒާރާއިން އެމްޑަބްލިއުއެސްސީއާ ހަވާލުކޮށްގެން ކުރިއަށްގެންދާ މި މަޝްރޫއުގެ އަމަލީ މަސައްކަތް ފެށިގެން މިހާރު ކުރިއަށްގެންދާ ކަމަށެވެ.

މިގޮތުން މިހާރު ކުރިއަށްދާ ބައެއް މަސައްކަތް ތަކަކީ: 

  •  ށ. ނޫމަރާގެ މަސައްކަތް ކުރުމަށް ބޭނުންވާ އެކްސްކަވޭޓަރ އެރަށަށް ގެންގޮސް، އާރު.އޯ ބިލްޑިންގް ގެ ސައިޓް ސާފުކުރުމުގެ މަސައްކަތް އެމްޑްބްލިޔުއެސްސީގެ މުވައްޒަފުންވަނީ ފަށާފައެވެ. އަދި ގޭގެއަށް ހިދުމަތް ގުޅުމަށް ކުރަންޖެހޭ ސަރވޭގެ މަސައްކަތް މިހާރުވަނީ ޝެޑިއުލް ކުރެވިފައެވެ.
  •  ށ. ބިލެތްފަހީގެ މަސައްކަތަށް ބޭނުންވާ އެކްސްކަވޭޓަރ ރަށަށް ގެންދެވި އާރ.އޯ ބިލްޑިންގ ސައިޓް ސާފުކުރުމުގެ މަސައްކަތް އެމްޑްބްލިޔުއެސްސީގެ މުވައްޒަފުން ވަނީ ފަށާފައެވެ.
  •  ނ. މިލަދޫގެ މަސައްކަތަށް ބޭނުންވާ އެކްސްކަވޭޓަރ ރަށަށް ގެންދެވި އާރު.އޯ ބިލްޑިންގް ގެ އެތެރޭގެ މަސައްކަތާއި އެކު ފެންމީޓަރތައް އެސެމްބްލް ކުރުމުގެ މަސައްކަތް އެމްޑަބްލިޔުއެސްސީގެ މުވައްޒަފުންވަނީ ފަށައިފައެވެ.
  • ނ. މަގޫދޫގެ މަސައްކަތަށް ބޭނުންވާ އެކްސްކަވޭޓަރ ރަށަށް ގެންދެވި ގޭގެއަށް ހިދުމަތް ގުޅުމަށް ކުރަންޖެހޭ ސަރވޭގެ މަސައްކަތާއި ފެންމީޓަރތައް ގޭގެއަށް ގުޅުމުގެ މަސައްކަތާއި އެކު އާރު.އޯ ބިލްޑިންގް ސައިޓް ސާފުކުރުމުގެ މަސައްކަތްވަނީ ފަށައިފައެވެ.
  • ބ. ކުޑަރިކިލުގެ މަސައްކަތް ފަށައިގަތުމަށް ބޭނުންވާ އެކްސްކަވޭޓަރ ރަށަށް ގެންދިޔުމާއެކު އާރު.އޯ ބިލްޑިންގް ގެ މަސައްކަތް ފެށުމަށް ކުރަންޖެހޭ ކަންކަމަށް އެމް.ޑަބްލިޔު.އެސް.ސީގެ މުވައްޒަފުން ވަނީ ސައިޓަށް ގޮސްފައެވެ.
  • އދ.ފެންފުށީފެ ފެނުގެ ނިޒާމުގެ މަސައްކަތް އަލުން ފަށައިގަތުމަށް ބޭނުންވާ އެކްސްކަވޭޓަރ ރަށަށް ގެންދެވި އާރު.އޯ ބިލްޑިންގް ސައިޓު ސާފު ކުރުމުގެ މަސައްކަތް އެމް.ޑަބްލިޔު.އެސް.ސީގެ މުވައްޒަފުން ވަނީ ފަށާފައެވެ.
  •  މ. ރަތްމަންދޫގެ ގޭގެއަށް ހިދުމަތް ގުޅުމަށް ކުރަންޖެހޭ މަސައްކަތްތައްތަކާއި އެކު އާރު.އޯ ބިލްޑިންގް ސައިޓް ސާފުކުރުމުގެ މަސަކަތް ވަނީ ފަށައިގަނެވިފައެވެ.
  • ތ. ދިޔަމިގިލީގެ މަސައްކަތް ފެށުމަށް އެކްސްކަވޭޓަރ ރަށަށް ގެންދެވި އާރު.އޯ ބިލްޑިންގެ ސައިޓް ސާފު ކުރުމުގެ މަސައްކަތް އެމް.ޑަބްލިޔު.އެސް.ސީގެ މުވައްޒަފުން ވަނީ ފަށާފައެވެ.
  • ތ.މަޑިފުށީގެ މަސައްކަތް ފެށުމަށް އެކްސްކަވޭޓަރ ރަށަށް ގެންދެވި އާރ.އޯ ބިލްޑިންގެ ސައިޓް ސާފު ކުރުމުގެ މަސައްކަތް އެމް.ޑަބްލިޔު.އެސް.ސީގެ މުވައްޒަފުން ވަނީ ފަށާފައެވެ.

ފެނާއި ނަރުދަމާގެ މައްސަލަ އަކީ ރާއްޖޭގައި ވަރަށް ބޮޑު މައްސަލައެކެވެ. މި މައްސަލައަށް ހައްލެއް ހޯއްދަވައިދެއްވުމަށްޓަކައި ސަރުކާރުން އަންނަނީ ގިނަ މަސައްކަތްތަކެއް ކުރައްވަމުންނެވެ.

ކިޔުންތެރިންގެ ހިޔާލު