ENGLISH

04 އޭޕްރީލު 2025

Advertisement

މިއަދު ފެއްޓެވި ޕޯލާއެކު ތާރީޚުން ރަައީސަށް ޚާއްސަ ޖާގައެއް

03 އޭޕްރީލު 2025

|

ޝިފްޒާން އަޙްމަދު

ރައީސުލްޖުމްހޫރިއްޔާ ޑރ،މުހައްމަދު މުއިއްޒު، ފޮޓޯ: ރައީސް

ޑިމޮކްރަސީއެއްގެ އެންމެ އަސާސީ އެއް ސިފައަކީ ރައްޔިތުންގެ ފަރާތުން ރައްޔިތުންނަށްޓަކައި ކުރާ ވެރިކަމުގައި ރައްޔިތުންގެ ބައިވެރިވުމާއި ޝާމިލުވުމަށް ފުރުސަތު ފަހިވެފައި އޮތުމެވެ. ރައްޔިތުންނާއި ވެރިންގެ މެދުގައި އިހުގައި ހުރި ގިނަ ހުރަސްތައް ޓެކްނޮލޮޖީގެ އެކި ޒަރީއާއިން ނެތިކޮށްލެވިފައިވާ މިޒަމާނަކީ ދައުލަތުގެ ކަންކަން ނިންމުމުގައި ރައްޔިތުންގެ ބައިވެރިވުމާ ޝާމިލުވުން އިތުރުކުރުމަށް އެންމެ ފަހި ޒަމާނެވެ. 

2000 ގެ ފަހުގެ އަހަރުތަކުން ފެށިގެން މީސްމީޑިޔާ މަންސަތަަކުގައި ދިވެހިންވެސް ވަރަށް ހަރަކާތްތެރިއެވެ. އިޖުތިމާއީ، ސިޔާސީ އަދި އިގުތިސާދީ ކަންކަމާމެދު ދިވެހިންގެ މެދުގައި ހިނގާ ބަހުސްތަކާއި ޒުވާބުތައް ރަށްރަށުގެ ހޮޅުއަށިތަކުން ފޭސްބުކާއި ޓުވިޓާ މިހާރުގެ ނަމުންނަމަ އެކްސްއާއި ޓިކްޓޮކަށް ހިޖުރަކުރިތާ އަހަރުތަކެއް ވެއްޖެއެވެ. 

މި ބަދަލާއެކު ރާއްޖޭގެ ސިޔާސީ ލީޑަރުންވެސް މިދެންނެވުނު މަންސަތަކުގައި ހަރަކާތްތެރިވެވަޑައިގަންނަވައެވެ. ގިނަ ފަހަރަށް އެ މަންސަތަކަކީ އެބޭފުޅުން އެކި ކަންކަމުގައި ފާޅުކުރައްވަން ބޭނުންފުޅު ހިޔާލެއް އާއްމުންނާ ހަމައަށް ދޫކޮށްލެއްވުމަށް ބޭނުންކުރައްވާ މަންސަތަކެކެވެ. ރައްޔިތުންނާ މަޝްވަރާކުރެއްވުމަށް، ނުވަތަ ރައްޔިތުންގެ ހިޔާލު ހޯއްދެވުމަށް މި މަންސަތައް ބޭނުންކުރައްވާތީ ނުފެނެއެވެ. 

ކޮންމެ ދުވަހަކުވެސް ސަރުކާރުތަކާއި ސިޔާސީ ޕާޓީތަކުން ރައްޔިތުންނާ ގުޅުންހުރި މުހިއްމު ބޮޑެތި ކަންކަމުގައި ތަފާތު ނިންމުންތައް އަންނަނީ ނިންމަމުންނެވެ. ނަމަވެސް އެއިން ކަމެއް ނިންމުމުގައި ރައްޔިތުންގެ ހިޔާލު ހުރިނެތް ގޮތް ބައްލަވަން ވެރިން މަސައްކަތްކުރައްވާ މަންޒަރު ނުފެނެއެވެ. 

ނަމަވެސް މިކަމުގައިވެސް ރައީސް ޑރ.މުޙައްމަދު މުޢިއްޒު މިވަނީ ތަފާތު ދައްކަވާފައެވެ. މުސްތަޤުބަލުގެ ޖީލުތައް ދުންފަތުގެ ވަބާއިން ސަލާމަތްކުރައްވަން ބޭނުންފުޅުވާތީ، ވަކި އުމުރަކަށްވުރެ ހަނގު ކުދިންނަށް ދުންފަތުގެ އުފެއްދުންތައް ވިއްކުން މަނާކުރައްވާނެކަން ރައީސް އިއުލާނުކުރެއްވިއެވެ. އަދި އެކަމުގައި އެމަނިކުފާނު ގެންގުޅުއްވާ ވިސްނުންފުޅުތައްވެސް ރައީސް ހިއްސާކުރެއްވިއެވެ. 

ރައީސް ހުށަހަޅުއްވާފައިވާ ތިން ގޮތަކީ: 

1- 2007 ޖެނުއަރީ 1 އިން ފެށިގެން އުފަންވެފައިވާ ކުދިންނަށް ދުންފަތުގެ ބާވަތްތައް ވިއްކުން މަނާކުރުން

2- 2004 ޖެނުއަރީ 1 އިން ފެށިގެން އުފަންވެފައިވާ ކުދިންނަށް ދުންފަތުގެ ބާވަތްތައް ވިއްކުން މަނާކުރުން

3- 2000 ވަނަ އަހަރުގެ ޖެނުއަރީ 1 އިން ފެށިގެން އުފަންވެފައިވާ ކިދިންނަށް ދުންފަތުގެ ބާވަވްތައް ވިއްކުން މަނާކުރުން

މި ތިން ހުށަހެޅުއްވުމާމެދު އަމިއްލަފުޅަށް ގޮތެއް ނިންމެވުމުގެ ކުރިން ރައްޔިތުންގެ ޚިޔާލު ހޯއްދެވުމަށް ސޯޝަލް މީޑިޔާ މެދުވެރިކުރައްވައިގެން ޕޯލެއް ހިންގަވަން ފެއްޓެވީއެވެ. އާދޭހެވެ. މިއީ ސޯޝަލް މީޑިޔާގެ ޒަރީއާއިން ސިޔާސަތަކާމެދު ރައީސަކު ރައްޔިތުންގެ ހިޔާލު ހޯއްދެވި ފުރަތަމަ ފަހަރެވެ. 

ރައްޔިތުންގެ ހިޔާލު ހޯއްދަވަން ބޭނުންފުޅުވާ ލީޑަރުންނަށް މި ޒަމާނުގައި އެއީ އުނދަގޫ ކަމެއް ނޫނެވެ. ރައީސް ދައްކަވައިދެއްވީ ޒަމާނީ މަންސަތައް ބޭނުންކުރައްވައިގެން ފަންނިއްޔާތުގެ އެންމެ ފަހުގެ އީޖާދުތައް ބޭނުންކުރައްވަައިގެން ރައްޔިތުންނާ ގާތުން ވެރިކަންކުރެއްވުމަކީ އެކަމުގެ ނިޔަތް އޮތްނަމަ ކޮންމެ ވެރިއަކަށްވެސް ކުރެއްވިދާނެ ކަމެއް ކަމެވެ. އެ ނިޔަތް ފެށުނީއްސުރެ އޮތަތީވެސް ރައީސް އަމަލުން އެކަން ދައްކަވައިދެއްވީއެވެ. 

ކިޔުންތެރިންގެ ހިޔާލު