ވެލާނާ އިންޓަނޭޝަނަލް އެއާޕޯޓް (ވީއައިއޭ) ގައި ބިދޭސީންގެ މެދުގަައި މާރާމާރީއެއް ހިންގާ ގިނަ ބަޔަކަށް އަނިޔާވެއްޖެ އެވެ.

ދިވެހި ފުލުހުންގެ ޚިދުމަތުން ބުނީ މާރާމާރީ ހިންގީ ވީއައިއޭ ޓާމިނަލް ހަދަމުންދިޔަ ބިދޭސީންގެ މެދުގައި ކަމަށެވެ. މާރާމާރީއާ ގުޅިގެން ފުލުހުން ހަރަކާތްތެެރިވަމުންދާ ކަމަށް ވެސް ބުންޏެވެ.

އަދި ބުނީ މާރާމާރީގައި ބަޔަކަށް އަނިޔާވި ކަމަށެވެ. އެ މީހުންނަށް ހުޅުމާލެ ހޮސްޕިޓަލާއި ޓްރީޓޮޕްގައި ފަރުވާ ދެމުންދާ ކަމަށެވެ.

މި މާރާމާރީ ހިންގަން މެދުވެރިވީ ސަބަބެއް ސާފެއް ނުވެ އެވެ. އަދި މާރާމާރީގައި ކިތަށް މީހުންނަށް އަނިޔާވި ކަމެއް ވެސް ސާފެއް ނުވެ އެވެ.

ފުލުހުން ބުނީ މައުލޫމާތު ލިބެމުންދާ ވަރަކަށް ހިއްސާ ކުރަމުންދާނެ ކަމަށެވެ.