ENGLISH
03 އޭޕްރީލު 2025
ލަކްނޯ ބަލިކޮށް، ޕަންޖާބު ރެކޯޑް ދަމަހައްޓައިފި
02 އޭޕްރީލު 2025
|
ލަކްނޯގެ މާކްރަމް ނުބައިކޮށްލުމަށް ފަހު ޕަންޖާބުގެ ކުޅުންތެރިން އުފާ ފާޅުކުރަނީ. --ފޮޓޯ: އޭއެފްޕީ / ގެޓީ އިމޭޖަސް
އެންމެ މަޤްބޫލު
އިންޑިއަން ޕްރިމިއަރ ލީގު (އައިޕީއެލް) ގައި ރޭ ކުޅުނު މެޗުގައި ލަކްނޯ ސުޕަޖަޔަންޓްސް ބަލިކޮށް، ޕަންޖާބް ކިންގްސް އިން މޮޅުވުމުގެ ރެކޯޑް ދަމަހައްޓައިފިއެވެ.
މި މެޗުން ޕަންޖާބް ކިންގްސް މޮޅުވީ 8 ވިކެޓުންނެވެ.
ރޭގެ މެޗުގެ ޓޮސް ދިމާވުމުން ޕަންޖާބުން ގަސްދުކުރީ ހޮވަން އަރާށެވެ. ލަކްނޯ އިން ކުޅެން އަރައި، 20 އޯވަރުގެ ތެރޭގައި ހަތް ވިކެޓަށް 171 ލަނޑު ހެދިއެވެ.
ލަކްނޯ އިން އެންމެ ރަނގަޅަށް ކުޅުނީ 30 ބޯޅައިން 44 ލަނޑުހެދި ނިކޮލަސް ޕޫރާން އެވެ. ޕަންޖާބުން އެންެމެ މޮޅަށް އުކި އާޝްދީޕް ސިންގ ވަނީ ތިން ވިކެޓް ނަގައިފައެވެ.
ރައްދުގައި ކުޅެން އަރައި، 16.2 އޯވަރުގެ ތެރޭގައި ޕަންޖާބު މޮޅުވެގެން ފޭބީ، ދެ ވިކެޓަށް 177 ލަނޑު ހަދައިފައެވެ. އެ ޓީމުން އެންމެ ރަނގަޅަށް ކުޅުނީ ޕްރަބްސިމްރަން ސިންގ އެވެ. އޭނާ ވަނީ 34 ބޯޅައިން 69 ލަނޑު ހަދައިފައެވެ. މީގެއިތުރުން، އެ ޓީމުގެ ކެޕްޓަން، ޝްރެޔަސް އައްޔަރު ވަނީ ނުބައިނުވެ 30 ބޯޅައިން 52 ލަނޑު ހަދައިފައެވެ.
މެޗުގެ މޮޅު ކުޅުންތެރިއަކަށް ހޮވުނީ ޕަންޖާބުގެ ޕްރަބްސިމްރަން ސިންގ އެވެ.
މި މުބާރާތުގައި މިރޭ ކުޅޭ މެޗުގައި ރޯޔަލް ޗެލެންޖާސް ބެންގަލޫރު ނުކުންނާނީ ގުޖުރާތު ޓައިޓަންސްއާ ދެކޮޅަށެވެ. މި މެޗު ފަށާނީ ރާއްޖޭ ގަޑިން ރޭގަނޑު 7 ޖަހާއިރު އެވެ.