ENGLISH

03 އޭޕްރީލު 2025

Advertisement

ވަކި އުމުރަކުން ދަށުގެ މީހުންނަށް ދުންފަތް ވިއްކުން މަނާކުރުން؛ ރައީސްގެ ތިން ހުށަހެޅުއްވުމެއް

02 އޭޕްރީލު 2025

|

މަރިޔަމް މިލްޒަމް މަސްޢޫދު

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، ފޮޓޯ: ރައީސް އޮފީސް

ޒުވާން ޖީލު ދުންފަތާ ދުރުކުރުމަށްޓަކައި ވަކި އުމުރަކުން ދަށުގެ މީހުންނަށް ދުންފަތުގެ ބާވަތްތައް ވިއްކުން މަނާކުރުމަށް އެމަނިކުފާނު ހުށަހަޅުއްވާ ތިން ގޮތެއް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ތަފުސީލުކޮށް ވިދާޅުވެދެއްވައިފިއެވެ. 

ރައީސް މި ތަފުސީލުތައް ހާމަކުރެއްވީ  “ރައްޔިތުންނާ އެކު” މި ނަމުގައި ރައީސް އޮފީހުން ކުރިއަށްގެންދިޔަ ޕޮޑްކާސްޓްގައި ވާހަކަފުޅު ދައްކަވަމުންނެވެ.

ރައީސް ވިދާޅުވިގޮތުގައި ޒުވާނުން ދުނަފަތުން ދުރުހެލިކުރުމަށް ވަކި އުމުރަކުން ދަށުގެ މީހުންނަށް ދުންފަތުގެ ބާވަތްތައް ވިއްކުން މަނާކުރުމާ ގުޅޭ ދިރާސާއެއް ހެދުމަށް ހެލްތު މިނިސްޓްރީއާ މިހާރުވަނީ ހަވާލުކުރެވިފައެވެ. 

އަދި މިހާތަނަށް އެކަމުގައި އެމަނިކުފާނު ގެންގުޅުއްވާ ތިން ވިސްނުންފުޅެއް ރައީސް ހިއްސާކުރެއްވިއެވެ. އެމަނިކުފާނު ހުށަހަޅުއްވާފައިވާ ތިން ގޮތަކީ: 

1- 2007 ޖެނުއަރީ 1 އިން ފެށިގެން އުފަންވެފައިވާ ކުދިންނަށް ދުންފަތުގެ ބާވަތްތައް ވިއްކުން މަނާކުރުން

2- 2004 ޖެނުއަރީ 1 އިން ފެށިގެން އުފަންވެފައިވާ ކުދިންނަށް ދުންފަތުގެ ބާވަތްތައް ވިއްކުން މަނާކުރުން

- 2000 ވަނަ އަހަރުގެ ޖެނުއަރީ 1 އިން ފެށިގެން އުފަންވެފައިވާ ކިދިންނަށް ދުންފަތުގެ ބާވަވްތައް ވިއްކުން މަނާކުރުން

ރައީސް ފާހަގަކުރެއްވި ގޮތުގައި މި ތިން ހުށަހެޅުއްވުމުގައި ހިމެނޭ އުމުރުން 18 އަހަރާއި 25 އަހަރާ ދެމެދުގެ ޒުވާނުންނަަކީ ދުންފަތް ބޭނުންކުރަން ފަށާފއިނުވާ ނުވަތަ ދުންފަތުގެ ބާވަތްތައް އިސްތިއުމާލުކުރާތާ އެހައި ގިނަ ދުވަސްނުވާ ބަޔަކަށްވާތީ 

"ކޮންމެ ގޮތެއްވިޔަސް 18 އަހަރާ 25 އަހަރާ ދޭތެރޭގެ ޒުވާނުން އެކަމުގެ ތެރޭގައި އުޅޭތާ އެހާ ގިނަ ދުވަހެއްނުވޭ، އެހެންމަ އެކުދިން އެ ވަބާ އިން ސަލާމަތް ކުރަން ފަސޭހަވާނޭ، 30، 40 އަހަރުވެފަ ތިބިމީހުން އެކަމުން ސަލާމަތް ކުރަން އުޅުމަށްވުރެ " - ރައީސުލްޖުމްހޫރިއްޔާ ޑރ.މުހައްމަދު މުއިއްޒު 

ރައީސް އިތުރަށް ވިދާޅުވީ މި ސަރުކާރުން މަސަތްކަތް ކުރަނީ ހަގީގަތުގައިވެސް ދުންފަތުގެ އިސްތިއުމާލުކުރުމުގެ މައްސަލަ ހައްލުކުރުމަށް ކަމުގައެވެ.  އަދި އެމަނިކުފާނު ގަބޫލުކުރައްވާ ގޮތުގައި މި ގައުމުގެ ޅަދަރިން ދުންފަތުގެ އިސްތިއުމާލުކުރުން ފަދަ ނުރަގަނޅު އާދައަކަށް ދޫކޮށްލައިގެން ސަރުކާރެއް އޮންނަންވީ އެއްވެސް ސަބަބެއް ނެތްކަމަށްވެސް ވިދާޅުވިއެވެ. 

"އަޅުގަނޑު ހަގީގަތުގައިވެސް މިއުޅެނީ މިމައްސަލަ ހައްލުކުރަން އިނގޭތޯ، އަޅުގަންޑުމެންގެ ޅަދަރިން، ތުއްތުކުދިން، ހާއްސަކޮށް މި ނުރަންގަޅު އާދައިގެ ތެރެއަށް ދާން ދޫކޮށްލައިގެން ސަރުކާރުން އޮންނަންވި ސަބަބެއް އަޅުގަނޑަށް ނުވިސްނޭ. ސަރުކާރުގެ ޒިންމާތަކެއް އެބަ އޮތޭ އަޅުގަނޑު ގަބޫލުކުރަނީ. ސަރުކާރުން ޒިންމާ އަދާ ކުރަން ޖެހޭ. " - ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު 

އެހެންކަމުން 18 އަހަރު ފުރިގެން ނޫނީ ޒުވާން އުމުރުގައި ދުންފަތުގެ އިސްތިއުމާލުކުރަން ފެށުމުގެ ކުރިން އެކަން ހުއްޓުވިއްޖެޔާ އެއީ އެންމެ ރަނގަޅު ގޮތް ކަމަށް ރައީސް ވިދާޅުވިއެވެ. އަދި ދުންފަތުގެ ވިޔަފާރި ކުރާ މީހުން އެދާއިރާ ދޫކޮށް އެކަމުން ދުރުހެލިވާން އެމަނިކުފާނު ގޮވައިލެއްވިއެވެ. 

 ރައީސް ވިދާޅުވީ މި ސަރުކާރުން ހުށަހެޅާ ތިން ގޮތް ދިރާސާކޮށް، އެކަމާ ގުޅޭ ގޮތުން ރާއްޖޭގެ މާހިރުންގެ ލަފައާއި އިރުޝާދު ހޯއްދެވުމަށްފަހު އެކަމާ ގުޅޭ ގާނޫނު ލަސްނުކުރައްވައި އެކަަށައަޅުއްވައި ރައްޔިތުންގެ މަޖިލީހަށް ހުށަހަޅުއްވާނެ ކަމަށެވެ. 

ކިޔުންތެރިންގެ ހިޔާލު