"ރައްޔިތުންނާ އެކު" މި ނަމުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކުރިޔަށްގެންދަވާ ޕޮޑްކާސްޓްގެ ދެވަނަ އެޕިސޯޑް މިއަދު މެންދުރުފަހު އޮންނާނެކަމަށް ރައީސް އޮފީހުން ބުނެފިއެވެ.

ރައީސް އޮފީހުން މިއަދު އެކްސްގައި ކުރި ޕޯސްޓެއްގައި ބުނީ "ރައްޔިތުންނާއެކު" މި ނަމުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކުރިޔަށްގެންދަވާ ޕޮޑްކާސްޓްގެ ފުރަތަމަ އެޕިސޯޑް ދައްކާލާފައިވަނީ މިދިޔަ މަހުގެ 27 ގަ އެވެ.

މި ޕޮޑްކާސްޓްގެ ކުރިޔަށްގެންދިއުމުގެ މައިގަނޑު މަގްސަދަކީ، ރައީސް އޮފީހުން ބުނިގޮތުގައި ރައްޔިތުންނާ ވީހާވެސް ގާތުން މައުލޫމާތު ހިއްސާކޮށް ރައްޔިތުންގެ ހިޔާލުތަކާއި ސުވާލުތަކަށް ޖަވާބު ދިނުމެވެ.

 މި ޕޮޑްކާސްޓު ހުށަަހަަޅުއްވައިދެއްވަނީ ރާއްޖޭގެ މަޝްހޫރު ޕްރެޒެންޓަރ އަޙްމަދު ޝަކީބު (ޝަކީއްބެ) އެވެ. 

މި ސަރުކާރުން އަންނަނީ ރައްޔިތުުންނަށް ހުރިހާ ކަމެއް ހާމަކުރަމުންނެވެ. އެގޮތުން ދައުލަތުގެ ހަރަދުތަކާއި އެހެނިހެން ކަންކަން ހިމެނެއެވެ.

ރައީސްގެ ޕޮޑްކާސްޓުގެ ފުރަތަމަ އެޕިސޯޑުގައި މުހިއްމު ގިނަ މައުޟޫޢުތަކަކަށް އެމަނިކުފާނު އަލިއަޅުއްވާލައްވާފައިވެއެވެ.