ENGLISH

04 އޭޕްރީލު 2025

Advertisement

އެންމެ ފަހުން އައްޑުއަށް ގެންދެވުނު، 1.8 މެގަވޮޓްގެ އާ ޖަނަރޭޓަރު ބޭނުންކުރަން ފަށައިފި

01 އޭޕްރީލު 2025

|

ފަޒީލް ޢަބްދުލް ލަތީފު

އެންމެފަހުން އައްޑުއަށް ގެންދެވުނު އާ ޖަނަރޭޓަރު--ފޮޓޯ:ފެނަަކަ

އައްޑޫ ސިޓީއަށް ދިމާވެފައިވާ ކަރަންޓުގެ މައްސަލައަށް  ދާއިމީ ހައްލެއް ހޯދުމަށް ކުރަމުން އަންނަ މަސައްކަތުގެ ތެރެއިން، އެންމެ ފަހުން އެ ސިޓީއަށް ފޮނުވި 1.8 މެގަވޮޓްގެ އާ ޖަނެރޭޓަރުގެ ބޭނުންކުރަން ފަށާފައިވާކަން  ފެނަކައިން ހާމަކޮށްފިއެވެ.

އިންޑިޔާއިން ގެނައި މި އައު ޖަނަރޭޓަރު އައްޑޫ ސިޓީއަށް ގެންދެވުނީ މިދިޔަ ބުރާސްފަތި ދުވަހުގެ ރޭގައެވެ. މިހާ ކުރު މުއްދަތެއްގެ ތެރޭގައި، އާ ޖަނަރޭޓަރު އިންސްޓޯލްކޮށް ހިދުމަތް ދޭން ފެށުނީ، ފެނަކައިގެ ޓެކްނިކަލް ޓީމުން ދަންފަޅި ބަހައިގެން ރެއާއި ދުވާލު މެދުނުކެނޑި ކުރިމަސައްކަތުންނެވެ.

ޖަނަރޭޓަރު އިންސްޓޯލް ކުރުމުގެ މަސައްކަތުގައި ފެނަކައިގެ ޓެކްނިކަލް ޓީމު ހަރަކާތްތެރިވަނީ--ފޮޓޯ:ފެނަކަ

އައްޑޫ ސިޓީގައި ކަރަންޓު ކެނޑޭ މައްސަލަ ކުރިމަތިވާން ފެށީ، އެ ސިޓީގައި ބޭނުންކުރަމުންދިޔަ 19 ޖަނަރޭޓަރުގެ ތެރެއިން، ގިނަ ޖަނަރޭޓަރުތަކެއް ފާއިތުވި ސަރުކާރުގައި އޯވަހޯލްނުކޮށް ދިގުލައިގެންދިއުމުން ހަލާކުވުމުގެ ސަބަބުންނެވެ. ފާއިތުވެ ދިޔަ ދައުރު ފެނަކަޔާ ހަވާލުވެތިބި ފަރާތްތަކުގެ އިހުމާލުން، މިސަރުކާރު ވެރިކަމާ ހަވާލުވިއިރު ރާއްޖޭގެ ގިނަ ރަށްރަށުގެ އިންޖީނުގެތަކުގެ ހާލަތު އޮތީ ވަރަށް ނިކަމެތިކޮށެވެ.

ސަރުކާރުން މަސައްކަތް ކުރަމުން ދަނީ އައްޑޫގެ ކަރަންޓްގެ މައްސަލަ ވަރަށް އަވަހަށް ހައްލުކޮށް ކުރިއަށް އޮތް ފަސް އަހަރަށް ކަރަންޓްގެ އެއްވެސް މައްސަލައެއް ދިމާނުވާނެ ފަދަ ގޮތަކަށް ކަންކަން ތަރުތީބު ކުރުމަށެވެ. އައްޑޫސިޓީއަށް ކަރަންޓުގެ ހިދުމަތް ފޯރުކޮށްދޭ ސަރުކާރުގެ ކުންފުނި ފެނަކައިން މައުލޫމާތުދޭ ގޮތުގައި، އައްޑޫ ސިޓީގެ ކަރަންޓުގެ މައްސަލަ ހައްލުކުރުމަކީ މި ވަގުތު އެ ކުންފުނިން އެންމެ އިސްކަމެއްދީގެން ކުރާ މަސައްކަތެވެ.

ރާއްޖޭގެ އެކި ކަންކޮޅުތަކުގައި ކަރަންޓު ފޯރުކޮށްދިނުމަށް ބޭނުންކުރަމުން އަންނަ ޖަނަރޭޓަރުތައް އެއްވެސްވަރަކަށް މަރާމާތު ނުވަތަ އޯވަރހޯލް ކޮށްފައިނުވުމުގެ ސަބަބަބުން، ސަރުކާރުން ފެނަކަޔާ ގުޅިގެން، އިންޖީނުތައް މަރާމާތުކުރަން ބޭނުންވާ ސްޕެއަރ ޕާޓްސް ރާއްޖެ ގެނެސް މަރާމާތުގެ މަސައްކަތް ވަނީ ފަށާފައެެވެ. ސަރުކާރުގެ އަމާޒަކީ ރާއްޖޭގެ ހުރިހާ ކަންކޮޅުތަކަށް މެދުނުކެޑި 24 ގަޑިއިރު ކަރަންޓްގެ ހިދުމަތް ފޯރުކޮށްދިނުމެވެ.

ކިޔުންތެރިންގެ ހިޔާލު