ENGLISH
04 އޭޕްރީލު 2025
ވީރާނާވެ ގެއްލިފައިވާ އިޖުތިމާއީ އެއްބައިވަންތަކަމާއި ގައުމީ ލޯބި އަނބުރާ ގެނެސްދެވޭނެ ވެރިޔަކީ ރައީސް މުއިއްޒު: ފަލާހު
31 މާރިޗު 2025
|
ރައްޔިތުންގެ މަޖިލީހުގެ އިނގުރައިދޫ ދާއިރާގެ މެންބަރު އަދި ޕީއެންސީގެ ޕީޖީ ލީޑަރު އިބްރާހިމް ފަލާހު - ފޮޓޯ: ސަން
އެންމެ މަޤްބޫލު
ދިވެހި ގައުމުގެ ވީރާނާވެ ގެއްލިފައިވާ އިޖުތިމާއީ އެއްބައިވަންތަކަމާއި ގައުމީ ލޯބި މިގައުމަށް އަނބުރާ ގެނެސްދެވޭނެ ވެރިޔަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކަން މިއަދު ކަށަވަރުވެއްޖެ ކަމަށް ރައްޔިތުންގެ މަޖިލީހުގެ އިނގުރައިދޫ ދާއިރާގެ މެންބަރު އަދި ޕީއެންސީގެ ޕީޖީ ލީޑަރު އިބްރާހިމް ފަލާހު ވިދާޅުވެއްޖެއެވެ.
ފިތުރު ޢީދު ފާހަގަކުރުމަށް މާލޭގައި އިއްޔެ ބޭއްވި "އީދު ހަވީރު" ގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ދެކަނބަލުން ބައިވެރިވެވަޑައިގަތުން ވެގެންދިޔައީ މި ހަވީރަށް އިތުރު ފުރިހަމަ ކަމެއް ގެނެސްދިން ކަމެއްގެ ގޮތުގައެވެ.
ރައީސްގެ ދެކަނބަލުން ވަނީ މި ހަވީރުގެ ވަކި ވަކި ސްޓޯލްތައް ބައްލަވާލައްވައި، ވަރަށް ގިނަ ފަރާތްތަކާ ޢީދު ސަލާން ކުރައްވައި، ފޮޓޯ ނަންގަވައި، އުފާވެރި ވަގުތުކޮޅެއް އާއްމު ރައްޔިތުންނާއެކު ހޭދަކުރައްވައިފައެވެ. މިއިން ޒަމާނަކު ރާއްޖޭގެ ވެރިޔަކު، ރައްޔިތުންނާ މިހާގާތުން ފިތުރު ޢީދު ފާހަގަ ކުރުމުގައި ބައިވެރިވެ ވަޑައިގެންފައެއް ނުވެއެވެ.
އެކަމާގުޅިގެން އެކްސްގައި ކުރެއްވި ޕޯސްޓެއްގައި ފަލާހު ވިދާޅުވީ ރައީސްގެ ދެކަނބަލުންގެ ޢީދު ސަލާމާއި ޢީދު ހަވީރުން ވަރަށް ގިނަ ވާހަކަތަކެއް ބުނެދިން ކަމަށެވެ. އެގޮތުން މި ޤައުމުގެ ވީރާނާވެ ގެއްލިފައިވާ އިޖުތިމާއީ އެއްބައިވަންތަކަމާއި ގައުމީ ލޯބި މިގައުމަށް އަނބުރާގެނެސް ދެވޭނެ ވެރިޔަކީ އެމަނިކުފާނު ކަމަށް މެންބަރު ވިދާޅުވިއެވެ.
ފަލާހު ވިދާޅުވީ އިދިކޮޅުން ދައްކާ ވާހަކަތަކަށް ރައްޔިތުން ސަޅި ޖަވާބެއްދީފައިވާ ކަމަށާއި ރައީސް ޑރ. މުޢިއްޒަކީ މި ގައުމު ދެކޭނެ، މި ގައުމަށް އެންމެ އަމާނާތްތެރި އަދި އޯގާތެރި ރައީސްކަން މިއީ މިއަދު ދިވެހި ރައްޔިތުންނަށް ޔަގީން ކަމެއް ކަމަށެވެ.