ބޭންކު އޮފް މޯލްޑިވްސް (ބީއެމްއެލް) އިސްލާމިކް އިން ނުވަ ރަށެއްގައި އީދު ސައި މިއަދު ބާއްވައިފި އެވެ. 

ބީއެމްއެލް އިން ބުނި ގޮތުގައި ރަށު ކައުންސިލުތަކާއި ޖަމިއްޔާތަކާއި ގުޅިގެން މި އަހަރުގެ ފިތުރު އީދު ސައި ބާއްވާފައިވަނީ ހއ. ދިއްދޫ، ނ. ފޮއްދޫ، އދ. މަހިބަދޫ، މ. މުލި، ވ. ކެޔޮދޫ، ދ. ބަނޑިދޫ، ލ. ފޮނަދޫ ގއ. ގެމަނަފުށި އަދި ސ. ހުޅުމީދޫގަ އެވެ. 

ބީއެމްއެލް އިން ބުނި ގޮތުގައި މިއީ އީދު ފާހަގަ ކުރުމާއި މުޖުތަމައުގެ ގުޅުން ބަދަހި ކުރުމަށް ހިންގުނު ހަރަކާތެކެވެ. މިކަން ކުރިއަށް ގެންގޮސްފައިވަނީ ބީއެމްއެލް އިސްލާމިކް އަށް 10 އަހަރު ފުރޭ މުނާސަބަތާ ގުޅިގެން ހިންގި ހަރަކާތެއްގެ ގޮތުގައެވެ.