ENGLISH

04 އޭޕްރީލު 2025

Advertisement

ހުޅުމާލޭގައި އީދު ފާހަގަކުރުން ކުލަގަދަކޮށް؛ ޑްރޯން ޝޯއާއެކު ހަވާ އަރުވަނީ

30 މާރިޗު 2025

|

ޝިފްޒާން އަޙްމަދު

މީގެ ކުރިން ހަވާ އަރުވަނީ، ފޮޓޯ: ސަން

ބަރަކާތްތެރި ފިޠުރު ޢީދު ދުވަސް ފާހަގަކުރުމަށް ހުޅުމާލޭގައި މިރޭ ޑްރޯން ޝޯއެއް ބޭއްވުމާއެކު ހަވާ އެރުވުމުގެ ހަރަކާތެއް ބާއްވަން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)އިން ނިންމައިފިއެވެ. 

އެޗްޑީސީން ބުނެފައިވަނީ ޑްރޯން ޝޯ ފެށޭނީ މިރޭ ގަނޑިން 8:30 ގައި ކަމަށެވެ. އަދި 30 މިނިޓުގެ ޑްރޯން ޝޯއަށްފަހު މިރޭ 9:00 ގަައި ހަވާ އަރުވާނެ ކަމަށްވެސް އެ ކުންފުނިން ބުނެއެވެ. 

އީދުގެ އުފާ ފޯރިގަދަކޮށް ފާހަގަކުރުމަށް އެޗްޑީސީން ބާއްވާ މި ހަރަކާތުގެ އިތުރަށް މިއަދު ހަވީރު މާލޭގައި ގައުމީ ދިފާއީ ބާރާއި ފުލުހުންގެ ހިދުމަތާއި ސަރުކާރު ކުންފުނިތައް ގުޅިގެން ބޮޑު ޢާއިލީ ހަވީރެއް ބޭއްވުމަށްވަނީ ރާވާފައެވެ. މި ހަރަކާތުގެ ބޮޑު ބައެއް ކުރިއަށްގެންދާނީ ސަލްޓަން ޕާކުގައެވެ. 

މި ހަރަކާތުގައި ކުޑަކުދިން ޝައުގުވެރިވާނެ އެކި ހަރަކާތްތައް ކުންފުނިތަކުގެ ސްޓޯލުތަކުގައި ހިންގުމަށް ރާވާފަައިވާކަން އެ ކުންފުނިތަކުން ހާމަކޮށްފައިވެއެވެ. 

މިއަދު ހަވީރު 4:00 އިން އިރުއޮއްސި 6:00 އަށް ބާއްވާ މި ހަރަކާތުގައި ވީހާވެސް ކުޑަކުދިންނާއި އާއިލާތައް ބައިވެރިވުމށް އެ ހަރަކާތުގައި ބައިވެރިވާ ކުންފުނިތަކުން އެދެއެވެ. 

މި އަހަރު އީދު ފާހަގަކުރުމަށް ތަފާތު ހަރަކާތްތަކެއް މާލޭ ސަރަހައްދުގައި ކުރިއަށްގެންދަން ނިންމާފައިވާއިރު ފާއިތުވި އަހަރެކޭ އެއްގޮތަށް މި އަހަރުވެސް މާލެއާއި އެހެނިހެން ސިޓީތަކާއި އަތޮޅުތަކުގެ ވެރިކަންކުރާ ރަށްރަށް ޒީނަތްތެރިކޮށް ދިއްލާފައިވެއެވެ. އޭގެ އިތުރަށް ކޮންމެ އަތޮޅެއްގެ އެންމެ އާބާދީ ބޮޑު ދެ ރަށް މި އަހަރު ޒީނަތްތެރިކޮށް ދިއްލާފައިވެއެވެ. 

މިއީ މިފަހުގެ ތާރީހުގައި ރާއްޖޭގައި ފިތުރު އީދު އެންމެ ކުލަގަދަކޮށް ފާހަގަކުރާ ފަހަރުކަން ފާހަގަކުރެވެއެވެ. 

ކިޔުންތެރިންގެ ހިޔާލު