ރައީސުލްޖުމްހޫރިއްޔާ ޑރ.މުޙައްމަދު މުޢިއްޒާއި، އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު ފިޠުރު ޢީދު ދުވަހު ޢީދު ސަލާން ކުރައްވައިފިއެވެ.

ޢީދު ސަލާންކުރެއްވުން ކުރިޔަށް ގެންގޮސްފައި ވަނީ ޢީދު ދުވަހުގެ ހެނދުނު 9:00 އިން 11:00 އަށް ރައީސުލްޖުމްހޫރިއްޔާގެ ރަސްމީ ގެކޮޅު މުލީއާގޭގައެވެ. 

ޢީދު ސަލާން ކުރެއްވުމުގައި ރައްޔިތުންނާއި، ދައުލަތުގެ އެކި މަގާމުތަކުގައި ތިއްބެވި ބޭފުޅުންގެ އިތުރުން ބޭރުގެ ޢިއްޒަތްތެރިންނާއި، ރާއްޖޭގެ އެކި ކުންފުނިތަކާއި، އަމިއްލަ އެކިއެކި ޖަމުޢިއްޔާ ޖަމާޢަތްތަކުގެ މަންދޫބުން ބައިވެރިވެފައިވެއެވެ.

އަދި ޢާއިލާތަކާއެކު ގިނަ ކުޑަކުދިންނާއި ޒުވާނުން ވެސް ޢީދު ސަލާމުގައި ބައިވެރިވެފައިވެއެވެ.