ENGLISH

04 އޭޕްރީލު 2025

Advertisement

ކުޑަގިރިއަށް އެމްޓީސީސީގެ ފެރީ ހިދުމަތް ދޭން މިއަދު ފަށައިފި

30 މާރިޗު 2025

|

ޝިފްޒާން އަޙްމަދު

މާލެ ސަރަހައްދުގައި ދަަތުރު ދިއުމަށް ހާއްސަކޮށްފައިވާ ކުޑަގިރި، ފޮޓޯ: ޓުވިޓާ

މާލެ ސަރަހައްދުގައި ޕިކްނިކް ދިއުމަށް ތަރައްގީކޮށްފައިވާ ކުޑަގިރިއާ މާލެއާ ދެމެދު އެމްޓީސީސީގެ ފެރީ ހިދުމަަތް ދޭން މިއަދު ފަށައިފިއެވެ. 

އެމްޓީސީސީން ނެރުނު ނޫސް ބަޔާނެއްގައި ބުނެފައިވަނީ ކުޑަގިރިއަށް ދަތުރުފަތުރުކުރުމުގެ ނިޒާމު ހަރުދަނާކުރުމުގެ ގޮތުން އެ ކުންފުނިން ކުޑަގިރިއަށް ފެރީގެ ހިދުމަތް ދިނުމަށް ނިންމާފައިވާ ކަމަށެވެ. 

މިއަދު އެމްޓީސީސީން ކުޑަގިރިއަށް ފެރީ ހިދުމަތް ދޭން ފަށާއިރު، މިއަދަކީ ފިޠުރު އީދު ދުވަހަށްވާތީ ހާއްސަ ދަތުރުތަކެއް އިންތިޒާމުކޮށްފައިވާކަމަށްވެސް އެ ކުންފުނިން ބުނެފައިވެއެވެ. އޭގެ އިތުރަށް އީދު ބަންދުގައި ހަފުތާ ބަންދުގައި ދަތުރުތައް ބާއްވާ އުސޫލުން ދަތުރުތައް ކުރިއަށްގެންދިއުމަށް ނިންމާފައިވެއެވެ. 

އެމްޓީސީސީން ބުނި ގޮތުގައި ހެނދުނު 9:00 އާއި 10:30 އާ ދެމެދު މާލެއިން ކުޑަގިރިއަށް ދާ ފެރީގެ ދަތުރުތައް އޮންނާނެއެވެ. އަދި ކުޑަގިރިން މާލެއަށް އަންނަ ފަރާތްތަކަށް ހާއްސަ ފެރީގެ ދަތުރުތައް އޮންނާނީ ހަވީރު 4:00 އާއި 5:30 އާ ދެމެދުގައިކަމަށްވެސް އެ ކުންފުނިން ބުނެފައިވެއެވެ. 

އާއްމު އުސޫލެއްގެ ގޮތުން ކުޑަގިރިއާއި މާލޭގެ ދެމެދުގައި ފެރީ ދަތުރުތައް، ހަފުތާ ބަންދުގައި ހެންވޭރު ފެރީ ޓާމިނަލުންނެވެ. އެގޮތުން އެ ދެ ދުވަހު ހެނދުނު 6:30 އާއި 8:00 އާއި 9:30 ގައި މާލެއިން ކުޑަގިރިއަށް ދަތުރުކުރާ ފެރީ ފުރުމަށް ހަމަޖެހިފައިވާއިރު، ކުޑަގިރިން މާލެއަށް އައުމަށް ފެރީ ފުރާނީ ހަވީރު 4:00، 5:30 އަދި 7:00 ގައެވެ. 

މާލެއާއި ކުޑަގިރިއާ ދެމެދުގައި ކުރާ އެމްޓީސީސީ ފެރީ ދަތުރުތަކުގެ ދިގު މިނަކީ 35 މިނިޓެވެ. އެ ދަތުރުގެ ޓިކެޓު އަގަކީ ކޮޅަކަަށް 70 ރުފިޔާއެވެ. 

ކިޔުންތެރިންގެ ހިޔާލު