ENGLISH

04 އޭޕްރީލު 2025

Advertisement

ފަޤީރުންނަށް ޒަކާތު ފައިސާ ޖަމާކޮށްފި، ގޮވާމުން 15 ކިލޯ ދޭނެ

29 މާރިޗު 2025

|

އަޙުމަދު ޙަމީދު

އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސަޢީދު -- ފޮޓޯ: އިސްލާމިކް މިނިސްޓްރީ

ފަޤީރުންގެ ދަފްތަރުގައި ޖެހިފައިއިވާ ކޮންމެ ފަރުދަކަށް 4،500 ރުފިޔާ ޖަމާކޮށްފައިވާ ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސަޢީދު މިރޭ ވިދާޅުވެއްޖެ އެވެ.

މިނިސްޓަރު ވަނީ އެކަން ދެންމެ މީޑިއާތަކާއި ހިއްސާ ކުރައްވާފަ އެވެ.

މި އަހަރަކީ ހުރިހާ ފަޤީރުންނަށް އެއް ހަމައަކުން ފިތުރު ޒަކާތުގެ ފައިސާ ބެހި ފުރަަތަމަ އަހަރެވެ. އެ ބަދަލަކީ ޒަކާތުގެ މަޤުޞަދުގައި ހިމެނޭ އިޖްތިމާޢީ އަދާލަތު ޤާއިމުކުރުމުގެ ގޮތުން ގެނެވުނު ބަދަލެއް ކަމަށް މިނިސްޓަރު ވިދާޅުވި އެވެ.

މީގެ ކުރިން މިކަން ކުރާ ގޮތަކީ އެރަށަކުން ލިބޭ އެއްޗެެއް އެކަނި އެރަށަކަށް ބަހާ ގޮތަށެވެ. މިހާރުގެ ތަފާތަކީ މުޅިރާއްޖެއަކީ އެއްބައެއް ކަމުގައި ބަލައި އެގޮތުން ބެހުމެވެ.

މީގެ އިތުރުން މިނިސްޓަރު ވިދާޅުވީ ގޮވާމުން މާލެ އޭރިއާގެ ކޮންމެ ފަޤީރަކަށް 15 ކިލޯ ދޫކުރަން ނިންމާފައިވާ ކަމަށެވެ. އަދި ފަލަޞްޠީނުގެ ޣައްޒާގެ ކުޑަކުދިންގެ ކާބޯ ތަކެއްޗަށް ފަސް ލައްކަ ރުފިޔާ ހަދިޔާކުރަން ނިންމާފައިވާ ކަމަށް ވިދާޅުވި އެވެ.

ކިޔުންތެރިންގެ ހިޔާލު