ENGLISH

04 އޭޕްރީލު 2025

Advertisement

ރައީސުލްޖުމްހޫރިއްޔާ، ދިވެހި ރައްޔިތުންނަށް ފިތުރު ޢީދުގެ ތަޙުނިޔާ ފޮނުއްވައިފި

29 މާރިޗު 2025

|

އަޙުމަދު ޙަމީދު

ރައީސްގެ ދެކަނބަލުން ޢީދު ސަލާމް ކުރެއްވުން: ރައީސް ވަނީ ފިތުރު ޢީދުގެ ތަޙުނިޔާ ފޮނުއްވާފައި -- ފައިލް ފޮޓޯ

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު, ދިވެހި ރައްޔިތުންނަށް ފިތުރު ޢީދުގެ ތަޙުނިޔާ ފޮނުއްވައިފި އެވެ.

ފިތުރު އީދުގެ ތަޙުނިޔާ ފޮނުއްވާ އެމަނިކުފާނު ވަނީ ވީޑިއޯ މެސެޖެއް އާންމު ކުރައްވާފަ އެވެ. އެ މެސެޖުގައި އެމަނިކުފާނު ވަނީ ނިމިގެންދިޔަ ބަރަކާތްތެރި ރަމަޟާން މަހުގެ ހެޔޮ ދަރުމައާ ޘަވާބު އަޅުގަނޑުމެން އެންމެނަށް މިންވަރު ކުރެއްވުން އެދި ދުޢާ ކުރައްވާފަ އެވެ.

އަދި ބަރަކާތްތެރި ފިތުރު ޢީދުގެ ހެޔޮ ދުޢާ ތަހުނިޔާ އެންމެހާ ލޮބުވެތި ރައްޔިތުންނަށް އަރިސް ކުރައްވާ ކަމަށް ވިދާޅުވި އެވެ.

މާދަމާ އަކީ ރާއްޖެއަށް މި އަހަރުގެ ފިތުރު އީދު ދުވަސް ކަމަށް ކަނޑައަޅާ އިސްލާމިކް މިނިސްޓްރީން ވަނީ ޝައްވާލު މަހުގެ ހަނދާބެހޭ ޤަރާރު އިއްވަވާފަ އެވެ.

އެ ޤަރާރުގައި ބުނެފައި ވަނީ ރާއްޖޭގެ އެއްވެސް ރަށަކަށް މިރޭ ޝަޢްވާލު މަހުގެ ހަނދު ފެނިފައި ނުވި ނަމަވެސް އިސްލާމީ ބައެއް ޤައުމުތަކަށް ޝަޢްވާލު މަހުގެ ހަނދު ޘާބިތުވެއްޖެ ކަމުގެ ޚަބަރު ރަސްމީކޮށް ލިބިފައިވާތީ ރަމަޟާން މަހާއި ޝައްވާލު މަހުގެ ހަނދު ސާބިތު ކުރުމުގައި ރާއްޖެއިން އަމަލު ކުރަން ހަމަޖެހިފައިވާ އުސޫލުގެ މަތީން މިއަދަކީ މި އަހަރުގެ ރަމަޟާން މަހުގެ ފަހު ދުވަސް ކަމަށާ މި އަހަރުގެ ފިތުރު އީދު ދުވަހަކީ މާދަމާ ކަމަށް ކަނޑައަޅާ ކަމަށެވެ.

ކިޔުންތެރިންގެ ހިޔާލު