ENGLISH

04 އޭޕްރީލު 2025

Advertisement

ހުވަދު އަތޮޅުގެ ހަ ރަށެއްގައި ފުލުސް މަރުކަޒުތަކުގެ ބިންގާ އަޅައިފި

29 މާރިޗު 2025

|

އަޙުމަދު ޙަމީދު

ހުވަދު އަތޮޅުގެ ހަ ރަށެއްގައި ފުލުސް މަރުކަޒުތަކުގެ ބިންގާ އެޅުން -- ފޮޓޯ: ޕޮލިސް

ހުވަދު އަތޮޅުގެ ހަ ރަށެއްގައި އިމާރާތް ކުރުމަށް ހަމަޖެހިފައިވާ ފުލުހުންގެ މަރުކަޒުތަކުގެ ބިންގާ އަޅައިފި އެވެ. 

މިއަދު ބިންގާ އެޅީ ގއ. ވިލިނގިލި، ގއ. ގެމަނަފުށި، ގދ. ގައްދޫ، ގދ. ވާދޫ، ގދ. ފަރެސްމާތޮޑާ އަދި ގދ. މަޑަވެލީގައި އިމާރާތް ކުރުމަށް ހަމަޖެހިފައިވާ ފުލުހުންގެ މަރުކަޒުތަކުގެ އެވެ.

ރަށްރަށުގައި ވަކިވަކިން ބޭއްވި ރަސްމިއްޔާތުގައި ފުލުހުންގެ މަރުކަޒުގެތަކުގެ ބިންގާ އަޅުއްވައި ދެއްވީ ކޮމިޝަނަރ އޮފް ޕޮލިސް ޢަލީ ޝުޖާޢު އެވެ. މި ރަސްމިއްޔާތުތަކުގައި ޑެޕިއުޓީ ކޮމިޝަނަރ އޮފް ޕޮލިސް ފަރުހާދު ފިކުރީ އާއި ފުލުހުންގެ ސީނިއަރ ބައެއް އޮފިސަރުންނާއި އެރަށްރަށުގެ ކައުންސިލް މެމްބަރުންނާއި އެރަށްރަށުގެ އެކި މުއައްސަސާތަކުގެ އިސް މުވައްޒަފުން ބައިވެރިވެފައިވެ އެވެ.

ސަރުކާރުން ވަނީ ރާއްޖޭގެ ހުރިހާ ރަށެއްގައި ފުލުުހުންގެ މަރުކަޒުތައް ޤާއިމު ކުރުމަށް ޚާއްސަ މަޝްރޫޢުއެއް ފައްޓަވާފަ އެވެ.

މި މަޝްރޫއުގެ ދަށުން އެމްޓީސީސީ އާއި އާރުޑީސީއިން 21 ރަށެއްގައި އަދި ފެނަކައިން 41 ރަށެއްގައި ތަރައްޤީކުރުމަށް ހަމަޖެހިފައިވާ ފުލުހުންގެ މަރުކަޒުތަކާއެކު ޖުމުލަ 83 ރަށެއްގައި ފުލުހުންގެ މަރުކަޒު ޤާއިމު ކުރެވިގެންދާނެ އެވެ.

ފުލުހުންގެ ޚިދުމަތް ސަރަހައްދީ ފެންވަރުގައި ފޯރުކޮށްދިނުމަށް ބޭނުންވާ އިމާރާތްތަކާއި، އަތޮޅު ފެންވަރުގައި ފުލުހުންގެ ޚިދުމަތް ފޯރުކޮށްދިނުމަށް ބޭނުންވާ އިމާރާތްތައް މި މަޝްރޫއުގެ ދަށުން ތަރައްޤީކުރެވޭ އިމާރާތްތަކުގެ ތެރޭގައި ހިމެނެއެވެ. އަދި ރަށްރަށުގައި ފުލުހުންގެ ޚިދުމަތް އަލުން ފެށުމަށާއި، ޕޮލިސް ސްޓޭޝަންތައް ޤާއިމުކުރުމާއި، ޕޮލިސް ޕޯސްޓުތަކާއި ފުލުހުންގެ އެކޮމޮޑޭޝަން ބްލޮކްތައް ތަރައްޤީކުރުން ވެސް ހިމެނެއެވެ.

ކިޔުންތެރިންގެ ހިޔާލު