ENGLISH
04 އޭޕްރީލު 2025
ތ.އަތޮޅުގައި ވެސް ޑަޔަލިސިސްގެ ހިދުމަތް އަންނަ މަހު ފަށަނީ
29 މާރިޗު 2025
|
އެންމެ މަޤްބޫލު
ތ.އަތޮޅުގަައި ޑައިލިސިސް ހިދުމަތް އަންނަ މަހު ފަށާނެ ކަމަށް ހެލްތް މިނިސްޓަރު ޢަބްދުﷲ ނާޡިމް ވިދާޅުވެއްޖެ އެވެ.
ސިއްހީ ހިދުމަތްދޭ އާ އިމާރާތުގެ މަސައްކަތް ކޮންޓްރެކްޓަރުންނާ ހަވާލުކުރަން ރޭ ބޭއްވި ރަސްމިޔާތުގައި މިނިސްޓަރު ނާޡިމް ވިދާޅުވީ ތ.އަތޮޅުގައި ޑައިލިސިސް ހިދުމަތްދޭން ފެށުމަށްވާން ޖެހޭ ތައްްޔާރީތައް ވަމުންދާ ކަމަށެވެ.
ތ.އަތޮޅުގެ އިތުރުން ނ.އަތޮޅުގައި ވެސް ޑައިލިސިސްގެ ހިދުމަތް ފެށޭނެކަން މިނިސްޓަރު ވަނީ މީގެ ކުރިން އިއުލާންކުރައްވާފަ އެވެ.
ސިއްހީ ދާއިރާގެ ތަފާސްހިސާބުތަކަށް ބަލާއިރު ދިވެހިރާއްޖޭގެ ގިނަ ބަޔަކު ކިޑްނީގެ ބަލިތައް ތަހައްމަލު ކުރެއެވެ. ކިޑްނީގެ ބަލިތައް ތަހައްމަލު ކުރަމުންދާ މީހުންގެ ނިސްބަތުން ބޮޑު އިންސައްތައެއް ޑައިލިސިސް ހިދުމަތް ގަވާއިދުން ހޯދަންޖެހެއެވެ. ބައެއްމީހުން ކޮންމެ ދުވަހަކުވެސް، މި ހިދުމަތް ހޯދަންޖެހެ އެވެ.
ރާއްޖޭގައި ޑައިލިސިސްގެ ހިދުމަތް ފޯރުކޮށްދެވޭ ގޮތަށް ތަރައްގީ ކުރެވިފައިވާ ހޮސްޕިޓަލުތަކާއި ސިއްހީ މަރުކަޒުތައް މަދުވުމާއި އެކަށީގެންވާ ވަސީލަތްތައް ނެތުމުގެ ސަބަބުން ޑައިލިސިސް ހަދަންޖެހޭ ފަރާތްތަކަށް އިތުރު ތަކުލީފުތަކާ ކުރިމަތިލާންޖެހެއެވެ. އަމިއްލަ ރަށުން ނުވަތަ އަތޮޅުން މި ހިދުމަތް ލިބޭނެ ގޮތެއް ނެތުމުން، ހިދުމަތް ހޯދުމަށް ބޮޑެތި ހަރަދުތައްކޮށް ދިގު ދަތުރުތަކެއް ކުރަން ޖެހެއެވެ. ބައެއް މީހުންގެ މުޅި ދިރިއުޅުން، ޑައިލިސިސްގެ ހިދުމަތް ލިބޭ ރަށަކަށް ބަދަލުކުރަން ޖެހިފައިވެސް ވެއެވެ.
އެފަދަ މީހުންގެ ތަކުލީފުތަކަށް ލުޔެއް ހޯދައިދިނުމަށް މިސަރުކާރު އައި ފަހުން ރާއްޖޭގެ އެކި ހިސާބުތަކުގައި ޑައިލިސިސްގެ ހިދުމަތް އަލަށް ފަށާ އަދި މިހިދުމަތް އިތުރަށް ތަރައްގީކުރުމުގެ މުހިންމު މަސައްކަތްތަކެއް ކުރަމުން ދެއެވެ.
މާލެއާ އެއްފެންވަރަށް ޑައިލިސިސްގެ ހިދުމަތް ރާއްޖޭގެ ކޮންމެ އަތޮޅަކުންވެސް ލިބޭނެ ގޮތް ހައްދަވާ ދެއްވުމަކީ ރައީސް ޑރ. މުޙައްމަދު މުޢިއްޒުގެ ރިޔާސީ ވައުދެކެވެ. ރިޔާސީ އިންތިހާބުގެ ދެވަނަބުރުގެ ކެމްޕެއިނަށް ބ. ކަމަދުއަށް ވަޑައިގެން އެރަށު ރައްޔިތުންނާއެކު ބޭއްވެވި ބައްދަލުވުމުގައި ވެސް ރައީސް މިކަން އިއުލާނު ކުރައްވާފައިވެ އެވެ.
"ކޮންމެ އަތޮޅެއްގެ މައި އެއް ހޮސްޕިޓަލުގައި މާލޭގައި އަޕްގްރޭޑް ކުރެވޭ ފެންވަރަށް ޑަޔަލިސިސްގެ ހިދުމަތް ދެވޭނެ ގޮތަށް ހަމަޖައްސައިދޭނަން،" ރައީސް ޑރ. މުޢިއްޒު
ވެރިކަމަށް ވަޑަައިގެން މިހޭދަވި މުއްދަތުގެ ތެރޭގައި ކުރެވުނު މަސައްކަތްތަކުން މި އަމާޒަށް ވާސިލުވުމުގެ އަލާމާތްތައް މިހާރު ފެންނަން ފަށާފައިވެއެވެ. އަލަށް ޑައިލިސިސްގެ ހިދުމަތް ދޭން ފެށި ރަށްރަށާއި، ތަރައްގީ ކުރަންފެށި ޑައިލިސިސް ސެންޓަރުތަކުން މި މަސައްކަތް ހިނގަމުން އަންނަ ދުވެލި ފެނެއެވެ. ސިއްހީ ދާއިރާގެ ތަރައްގީއަށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެކަށައަޅުއްވާފައިވާ ސިޔާސަތުތައް ތަންފީޒުވުމުން ރާއްޖޭގެ ސިއްހީ ނިޒާމަށް އިންގިލާބީ ހެޔޮ ބަދަލުތަކެއް އަންނާނެކަމަށް ސިއްހީދާއިރާގެ މާހިރުން ވިދާޅުވެ އެވެ.