މި އަހަރުގެ ޝައްވާލް މަހުގެ ހަނދު ސާބިތުކުރުމަށް ބާއްވާ ޖަލްސާ މިރޭ އޮންނާނެ ކަމަށް އިސްލާމިކް މިނިސްޓްރީން ބުނެފިއެވެ. 

އެމްއެމްޓީވީ އާ ވާހަކަދައްކަވަމުން އެ މިނިސްޓްރީގެ މީޑިއާ އޮފިޝަލް ވިދާޅުވީ ހަނދު ސާބިތުކުރުމަށް ބާއްވާ ޖަލްސާ މިރޭ 8:00 ގައި އޮންނާނެ ކަމަށެވެ. 

ކަލަންޑަރު ބުނާގޮތުން ހިނގަމުންމިދާ ބަރަކާތްތެރި ރަމަޟާން މަހުގެ އެންމެ ފަހު ދުވަހަކީ މާދަމާ އެވެ. އެއީ މި ހިނގާ މާރިޗު މަހުގެ 30 ވަނަ ދުވަހެވެ. އެހެން ކަމުން މި އަހަރުގެ ބަރަކާތްތެރި ފިޠުރު ޢީދު ދުވަހަކީ ޖެހިގެން އަންނަ ހޯމަ ދުވަސް (މާރިޗް މަހުގެ 31) ކަމަށް ކަލަންޑަރުގައި ކަނޑައަޅާފައިވެއެވެ.