ENGLISH

04 އޭޕްރީލު 2025

Advertisement

މާލޭގައި ބަނގުރަލުގެ ވިޔަފާރިކުރި ބިދޭސީއަކު ހައްޔަރުކޮށްފި

29 މާރިޗު 2025

|

ޢަލީ ޝަހީމް

ބަނގުރަލުގެ ވިޔަފާރީގެ ތުހުމަތުގެ ހައްޔަރު ކުރި އިންޑިއާގެ އެލައިޔާޖާ އަރޮކިޔަސާމީ. ފޮޓޯ: ފުލުހުން

ބަނގުރަލުގެ ވިޔަފާރި ކުރަމުންދިޔަ ބިދޭސީއަކު މާލެއިން ހައްޔަރުކޮށްފިކަން ދިވެހި ފުލުހުންގެ ޚިދުމަތުން ހާމަކޮށްފި އެވެ. 

ފުލުހުން މިއަދު ބުނީ ބަނގުރާ ބޭނުންކޮށް އަދި އޭގެ ވިޔަފާރި ކުރާކަމަށް ތުހުމަތުކުރެވޭ މައްސަލައަކާ ގުޅިގެން ޑްރަގް އެންފޯސްމަންޓުން ހިންގި އޮޕަރޭޝަނެއްގައި މާލޭގެ މާފަންނުގައި ހުރި ގެއެއް ބަލައި ފާސްކޮށް ބިދޭސީއަކު ހައްޔަރުކޮށްފައިވާ ކަމަށެވެ. 

ފުލުހުން އޮޕަރޭޝަން ހިންގީ މާރިޗު 27 ވަނަ ދުވަހު އެވެ. މައްސަލައިގެ ތުހުމަތުގައި ހައްޔަރުކުރީ އުމުރުން 41 އަހަރުގެ އިންޑިއާގެ ރައްޔިތެއް ކަމަށްވާ އެލައިޔާޖާ އަރޮކިޔަސާމީ އެވެ. 

ފުލުހުން ބުނީ އޮޕަރޭޝަނުގެ ތެރެއިން ބަނގުރާ ކަމަށް ޝައްކުކުރެވޭ 21 ފުޅި ފެނިފައިވާ ކަމަށެވެ. އިންޑިއާގެ ރައްޔިތަށް ކުރަނީ ބަނގުރާ ބޭނުންކޮށްގެން އަދި އޭގެ ވިޔަފާރިކުރުމުގެ ތުހުމަތެވެ. 

މައްސަލައިގައި ހައްޔަރުކުރި ފަރާތް ޑީޕޯޓް ކުރަން ނިންމައި މޯލްޑިވްސް އިމިގްރޭޝަނާ ހަވާލުކޮށް، އެ މައްސަލަ ތަހްގީގު ކުރަމުންދާކަމަށް ފުލުހުން ވަނީ ބުނެފައެވެ. 

ބަނގުރަލުގެ މައްސަލަގައި އިންޑިއާގެ މީހަކު ހައްޔަރު ކުރިިއިރު، ކަނޑު ބޯޓެއްގައި ރާއްޖެއަށް ޑްރަގް އެތެރެކުރި ބިދޭސީންތަކެއް ވެސް މާރިޗު 22 ވަނަ ދުވަހު ވަނީ ހައްޔަރުކޮށްފަ އެވެ. އެ މައްސަލައިގައި ހައްޔަރުކުރީ އިންޑިއާ އާއި އިންޑޮނީޝީއާއަށް ނިސްބަތްވާ މީހުންނެވެ.  

ކިޔުންތެރިންގެ ހިޔާލު