ENGLISH
04 އޭޕްރީލު 2025
ރަމަޟާން މަހު ކުރިއަށް ގެންދެވުނު އިޙްޔާ ފޯރަމްތައް ވަރަށް ކާމިޔާބު: މިނިސްޓަރު
29 މާރިޗު 2025
|
އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު - ފޮޓޯ: މިނިސްޓްރީ
އެންމެ މަޤްބޫލު
މި ރަމަޟާން މަހު އިސްލާމީ ކަންތައްތަކާ ބެހޭ ވުޒާރާއިން، ރަމަޟާން މަހުގެ ރޭތައް އިޙްޔާ ކުރުމަށް މާލެއާއި އަތޮޅުތެރޭގައި ބޭއްވި އިޙްޔާ ފޯރަމްތައް ވަރަށް ކާމިޔާބުކަމަށް ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
މި ރަމަޟާން މަހު އެ ވުޒާރާއިން ވަނީ މާލޭގައި 8 އިޙްޔާ ފޯރަމް، އަތޮޅުތެރޭގައި 7 އިޙްޔާ ފޯރަމް އަދި ދަރިވަރުންގެ 6 އިޙްޔާ ފޯރަމް ބާއްވާފައެވެ. މި ހުރިހާ ފޯރަމްތަކަކަށް ވެސް އާއްމުންގެ ބޮޑު ތަރުހީބެއް ލިބިފައިވާކަން ވަޒީރު ފާހަގަކުރެއްވިއެވެ.
މާލޭގައި ބޭއްވުނު ފަހު އިޙްޔާ ފޯރަމްގައި ވާހަކަފުޅު ދައްކަވަމުން ވަޒީރު ވިދާޅުވީ، މިފަހަރު އަތޮޅުތެރޭގެ އިޙްޔާ ފޯރަމް ބޭއްވުނީ އެކަމަށް އެދި ޕްރޮޕޯސަލް ހުށަހެޅި ރަށްތަކުގެ ތެރެއިން އެންމެ ރަނގަޅު ޕްރޮޕޯސަލް ހުށައެޅި ރަށްތަކުގައި ކަމަށާއި އަތޮޅު އިޙްޔާތަކުގެ އިންތިޒާމްތައް ވަރަށް ރަނގަޅު ކަމަށެވެ.
އަދި ގިނަ އަދަދެއްގެ ރައްޔިތުން ކޮންމެ ރަށަކުންވެސް ހާޒިރުވެފައިވާއިރު، އެކަމުން އެނގިގެންދަނީ ރައްޔިތުންގެ އޮތް ޝައުގުވެރިކަން ކަމަށް ވަޒީރު ވިދާޅުވިއެވެ.
ވަޒީރު އިތުރަށް ވިދާޅުވީ، 2026 ވަަނަ އަހަރު އަތޮޅުތެރޭގައި މިއަހަރަށްވުރެ ގިނަ ފޯރަމްތަކެއް ބޭއްވުމަކީ އަމާޒެއްކަމަށެވެ.