ދިވެހިރާއްޖޭގެ ގައުމީ މީޑިޔާއަށް އިތުރު ކުރިއެރުމާއި ކާމިޔާބީއަށް އެދިވަޑައިގަންނަވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. 

ޓީވީ މޯލްޑިވްސްގެ އަހަރީ ދުވަހުގެ ތަހުނިޔާ ފޮނުއްވާ އެކްސް ގައި ކުރެއްވި ޕޯސްޓެއްގައި ރައީސް ވިދާޅުވީ ގައުމީ މީޑިއާއަށް އިތުރު ކުރިއެރުމާއި ކާމިޔާބީއަށް އެދިވަޑައިގަންނަވާ ކަމަށެވެ.

އޭގެ އިތުރުން ޓީވީ މޯލްޑިވްސްގެ އަހަރީ ދުވަހުގެ ތަހުނިޔާ ޓީވީއެމްއަށް ޚިދުމަތް ކުރައްވާފައިވާ އަދި މިހާރު ޚިދުމަތުގައި ދެމި ތިބި މުވައްޒަފުންނާއި އެ މުވައްޒަފުންގެ އާއިލާތަކަށް އެމަނިކުފާނު ފޮނުއްވިއެވެ.

ދިވެހިރާއްޖޭގެ އެންމެ ފުރަތަމަ ޓީވީ ޗެނަލް، ޓެލެވިޜަން މޯލްޑިވްސްގެ ޚިދުމަތް ފަށާފައިވަނީ 1978 ވަނަ އަހަރުގެ މާޗު މަހުގެ 29 ވަނަ ދުވަހުއެވެ.