ENGLISH
04 އޭޕްރީލު 2025
ތިން ރަށެއްގައި ޑްރަގް ރިހެބިލިޓޭޝަން މަރުކަޒު އެޅުން އާރްޑީސީއާ ހަވާލުކޮށްފި
29 މާރިޗު 2025
|
ތިން ރަށެއްގައި އެންޑީއޭއާ އާރްޑީސީގެ މެދުގައި އެއްބަސްވުމެއް ގާއިމުކުރުން، ފޮޓޯ: އެންޑީއެމްއޭ
އެންމެ މަޤްބޫލު
އަތޮޅު ތެރޭ ތިން ރަށެއްގައި މަސްތުވާތަކެއްޗަށް ދެވިހިފާފައިވާ މީހުންނަށް ފަރުވާދޭ މަރުކަޒުތަކެއް ގާއިމުކުރުމުގެ މަސައްކަތް ނޭޝަނަލް ޑްރަގް އެޖެންސީ (އެންޑީއޭ)އިން ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ)އާ ހަވާލުކޮށްފިއެވެ.
އިއްޔެ ބޭއްވި ރަސްމިއްޔާތެއްގައި އެންޑީއޭއާއި އާރްޑީސީއާ ދެމެދު އިއްޔެ ސޮއިކުރި އެއްބަސްވުމުގެ ދަށުން މަސްތުވާތކެތި ބޭނުންކުރާ މީހުންނަށް ފަރުވާދޭ ސެންޓަރުތައް ގާއިމުކުރާނީ ލ.ގަމާއި، ނ.ވެލިދޫއާއި ކ.ކާށިދޫގައެވެ.
މަސްތުވާތަކެެއްޗަށް ދެވިހިފާފައިވާ މީހުން މުޖުތަމައުން އެކަހެރިނުކޮށް އެމީހުންނަށް ފަރުވާދެވޭނެ ނިޒާމެއް ގާއިމުކުރުމަކީ ރައީސުލްޖުމްހޫރިއްޔާ ޑރ.މުހައްމަދު މުއިއްޒު ރިޔާސީ އިންތިހާބުގައި ވެވަޑައިގެންފައިވާ ވައުދުފުޅެކެވެ. ރައީސް ފާހަގަކުރައްވާފައިވާ ގޮތުގައި މަސްތުވާތަކެއްޗަށް ދެވިހިފާފައިވާ މީހުން މުޖުތަމައުން އެކަހެރިނުކޮށް ފަރުވާ ދިނުމަކީ އެކުދިން އަނބުރާ މުޖުތަމަައަށް ގެނައުމުގައި އެންމެ ކާމިޔާބު ވައްޓަފާޅިއެވެ.
ތިން ރަށެއްގައި ޑްރަގް ރިހެބިލިޓޭޝަން ސެންޓަރުތައް ގާއިމުކުރުމުގެ މަސައްކަތް އާރްޑީސީއާ ހަވާލުކޮށްފައިވާއިރު، މަސްތުވާތަކެއްޗަށް ދެވިހިފާފައިވާ މީހުން އަނބުރާ މުޖުތަމައަށް ގެނައުމަށް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ.
އެގޮތުން ފާއިތުވި ވެރިކަމުގައި ޑްރަގު ފަރުވާދިނުމަށް ޑްރަގު ކޯޓުން އެންގިފަހުންވެސް ފަރުވާއަށް ނުގެންގޮސް ތިބި 700 އެއްހައި މީހުން، މި ސަރުކާރުންވަނީ ފަރުވާއަށް ގެންގޮސްފައެވެ.