ENGLISH
04 އޭޕްރީލު 2025
ޙިޖުރީ މަހެއް ފެށުމަކަށް އާ މަހުގެ ހަނދު ހަމަލޮލަށް ފެނުން ލާޒިމެއް ނޫން: ރައީސް މައުމޫން
29 މާރިޗު 2025
|
ކުރީގެ ރައީސް އަލްއުސްތާޛު މައުމޫން އަބްދުލްޤައްޔޫމް -- ފޮޓޯ: އައްޑޫ ޓައިމްސް
އެންމެ މަޤްބޫލު
ހިޖުރީމަހެއް ފެށުމަކަށް އާ މަހުގެ ހަނދު ހަމަލޮލަށް ފެނުން ލާޒިމެއް ނޫން ކަމަށް ފަލަކީ ޢިލްމުވެރިޔާ އަދި ރާއްޖެ މި ފަހުން ދުށް އެންމެ ބޮޑު ޢިލްމުވެރިޔާ ކުރީގެ ރައީސް އަލްއުސްތާޛު މައުމޫން އަބްދުލްޤައްޔޫމް ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ އެކްސް ގައި މިރޭ ކުރެއްވި ޕޯސްޓެއްގަ އެވެ.
ރައީސް މައުމޫން ވިދާޅުވީ ހިޖުރީމަހެއް ފެށުމަކަށް އާ މަހުގެ ހަނދު ހަމަލޮލަށް ފެނުން ލާޒިމެއް ނޫން ކަމަށެވެ. އަދި ވިދާޅުވީ އިރު އޮއްސުމަށްފަހު ކިތަންމެ ކުޑަ ހިނދުކޮޅަކަށް ނަމަވެސް ހަނދު ނޯއްސި ހުރިކަން ހިސާބުން ސާބިތުވާނަމަ އާމަހެއް ފެށުނީ ކަމަށެވެ.
އެމަނިކުފާނު މިހެން ވިދާޅުވެފައި މިވަނީ އަންނަ ފިޠުރު ޢީދު ވާނެ ދުވަހަކާ މެދު ޢިލްމުވެރީން ދަނީ ބަހުސެއް ކުރަމުންނެވެ.
ކަލަންޑަރު ބުނާގޮތުން ހިނގަމުންމިދާ ބަރަކާތްތެރި ރަމަޟާން މަހުގެ އެންމެ ފަހު ދުވަހަކީ އަންނަ އާދިއްތަ ދުވަހެވެ. އެއީ މި ހިނގާ މާރިޗު މަހުގެ 30 ވަނަ ދުވަހެވެ. އެހެން ކަމުން މި އަހަރުގެ ބަރަކާތްތެރި ފިޠުރު ޢީދު ދުވަހަކީ ޖެހިގެން އަންނަ ހޯމަ ދުވަސް (މާރިޗް މަހުގެ 31) ކަމަށް ކަލަންޑަރުގައި ކަނޑައަޅާފައިވެ އެވެ.
ރައީސް މައުމޫން ވިދާޅުވި ގޮތުގައި މާރިޗު 30 ވާ އާދީއްތަ ދުވަހަކީ މިއަހަރުގެ ފިޠުރު ޢީދު ދުވަހަށް ވާނެކަމަށް ވަރަށް ބޮޑަށް ޔަޤީން ކުރެވެ އެވެ.
އެހެން ވިދާޅުވާ ސަބަބުވެސް ސާފުކޮށް ދެއްވި އެވެ. ވިދާޅުވީ ސަޢޫދީ ޢަރަބިއްޔާ އާއި، މިޞުރާއި، ތުރުކީ އާއި، މޮރޮކޯ ފަދަ އިސްލާމީ ޤައުމުތަކަށް މި ހިނގާ މާރިޗު މަހުގެ 29 ދުވަހު އިރުއޮއްސުމަށްފަހު، ހަނދު ނޯއްސި 8 މިނެޓާއި 20 މިނެޓާ ދެމެދުގެ މިންވަރަކަށް ހުންނާނެ ކަމަށް ފަލަކީ ހިސާބުން ދައްކާ ކަމަށެވެ. އެހެން ކަމުން ޖެހިގެން އަންނަ ދުވަހަކީ (މާރިޗު 30 ވާ އާދީއްތަ ދުވަހަކީ) މިއަހަރުގެ ފިޠުރު ޢީދު ދުވަހަށް ވާނެކަމަށް ވަރަށް ބޮޑަށް ޔަޤީން ކުރެވޭ ކަމަށް ލިޔުއްވުމުގައިވެއެވެ.
މާރިޗު މަހުގެ 29 ވަނަ ދުވަހަކީ ރަމަޟާން މަހުގެވެސް 29 ވަނަ ދުވަހެވެ. އެދުވަހު ދިވެހިރާއްޖެއަށް އިރުއޮއްސެނީ 18 ގަޑި 14 މިނެޓުގަ އެވެ. ހަނދު އޮއްސެނީ ވެސް، ހަމަ އެގަޑީގައެވެ. އެހެންކަމުން، ވިދިގެން އަންނަ ދުވަހަކީ ދިވެހިރާއްޖެއަށް ފަލަކީގޮތުން ޝައްވާލު މަހުގެ 1 ވަނަ ދުވަސް ކަމަށް ވުމާއި ނުވުމާ މެދު ބަހުސެއް އޮތްނަމަވެސް، ވަރަށް ގިނަ އިސްލާމީ ޤައުމުތަކަށް އެދުވަހަކީ ޝައްވާލު މަހުގެ 1 ވަނަ ދުވަސް ކަމަށް ވާނެތީ، މާރިޗު މަހުގެ 30 ވަނަ ދުވަހަކީ، ރާއްޖެއަށްވެސް ޝައްވާލު މަހުގެ 1 ވަނަ ދުވަސް ކަމުގައި ވާނެ ކަމަށް ފެނިފައިވާ ކަމަށް މައުމޫން ވިދާޅުވި އެވެ.
އެމަނިކުފާނު ވަނީ އެއީ، ހަނދު ސާބިތު ކުރުމުގައި ޢަމަލު ކުރަމުން އަންނަ އުޞޫލުތަކާ ހަމަތަކުގެ އަލީގައި ވިދާޅުވާ ވިދާޅުވުމެއް ކަމަށް ބަޔާން ކުރައްވާފަ އެވެ.
ވަރަށް ބޮޑު ޢިލްމުވެރިއެއް ކަމަށްވާ ޑރ. ޙަސަން ޙަމީދު ވަނީ މި މައުޟޫ ގައި ވަރަށް ތަފްސީލީ ލިޔުއްވުމެއް އާންމު ކުރައްވާފަ އެވެ.
ޙަސަން ލިޔުއްވާފައިވާ ގޮތުގައި 30 މާޗު ޢީދަކަށް ނުވާނެ އެވެ. ފިޠުރު ޢީދު ދުވަހަކަށް ވާނީ 31 މާޗް 2025 ވާ ހޯމަ ދުވަހަށް ޙަސަން ޙަމީދުގެ ލިޔުއްވުމުގައިވެ އެވެ.
ޝަޢްވާލު މަހުގެ ހަނދު ސާބިތު ކުރުމުގެ ޖަލްސާ މާދަމާ ރޭ އޮންނާނެ އެވެ.