ހއ. އުލިގަމުގައި އިމިގްރޭޝަން އޮފީހެއް އިމާރާތް ކުރުމަށް އެމްޓީސީސީއާ އެކު އެއްބަސްވުމެއްގައި ސޮއިކޮށްފި އެވެ.

މިއަދު ބޭއްވި ރަސްމިއްޔާތުގައި އެއްބަސްވުމުގައި ސޮއި ކުރެއްވީ، އެމްޓީސީސީގެ މެނޭޖިންގ ޑިރެކްޓަރ އަހުމަދު ސައުދީ އާއި އިމިގްރޭޝަން ކޮންޓްރޯލާ އަހުމަދު ފަސީހު އެވެ.

އުލިގަމަކީ ގިނަ އަދަދެއްގެ ޔޮޓުތައް ބަނދަރު ކުރާ ރަށެއްކަމުން ޔޮޓުތަކުގައި އަންނަ ފަތުރުވެރިންނަށް ދޭންޖެހޭ ހިދުމަތްތައް ފޯރުކޮށްދިނުމަށް އެ ރަށުގައި އިމިގްރޭޝަނަށް ހާއްސަ އޮފީހެއް އިމާރާތްކުރުމަކީ އެ ހިދުމަތް އިތުރަށް ހަރުދަނާވެ، ފުޅާވާނެ ކަމެއްކަމަށް ބެލެވެއެވެ.

އުލިގަމުގައި އިމިގްރޭޝަން އޮފީސް އެޅުމަށް ހަވާލުކޮށްފައިވާ އަގެއް އަދި މަސައްކަތް ނިންމަންޖެހޭ ތާރީހު ހާމަކޮށްފައިނުވެއެވެ.