ޓޫރިޒަމް ދާއިރާއިން ނަގާ ތިން ޓެކްސްއެއް ބޮޑުކުރަން ރައްޔިތުންގެ މަޖިލީހުގެ މިއަދުގެ ޖަލްސާގައި ފާސްކޮށްފި އެވެ.

ޓީޖީއެސްޓީ ބިލުގައިވާ ގޮތުން 16 ޕަސެންޓް ޓެކްސް ނަގަން ފަށާނީ 1 މޭ 2025 ގެ ނިޔަލަށެވެ. އެއަށް ފަހު ޖޫން އެކަކުން ފެށިގެން ޓީޖީއެސްޓީ 17 ޕަސެންޓް ޓެކްސް ބޮޑުވާނެ ކަމަށް އިސްލާހުގައިވެ އެވެ. މިއިސްލާހުގެ ސަބަބުން 2025 ގައި 201.9 މިލިއަން ރުފިޔާ ދައުލަތަށް ލިބޭނެއެވެ. 

ގްރީން ޓެކްސް 50 ޕަސެންޓަށް އިތުރުކުރަން އިސްލާހުގައި ހުށަހަޅާފައިވެ އެވެ. މީހުން ދިރިއުޅޭ ރަށްރަށުގައި ހިންގާ ހޮޓާތަކާއި ޓޫރިސްޓު ގެސްޓު ހައުސްގެ ތެރެއިން 50 ކޮޓަރި ނުވަތަ އެއަށްވުރެ މަދު އަދަދެއްގެ ކޮޓަރި ރަޖިސްޓްރީ ކޮށްފައިވާ ތަންތަނުގައި ތިބޭ ޓޫރިސްޓުންގެ އަތުން، އެއިން ކޮންމެ މީހަކު އެ ތަނެއްގައި ހޭދަކުރާ ކޮންމެ ދުވަހަކަށް 6 ޑޮލަރު ނަގާނެ އެވެ. އެ އިސްލާހަށް އަމަލުކުރަން ފަށާނީ 1 ޖެނުއަރީ 2025 ގަ އެވެ.

ރާއްޖޭގެ އެއާޕޯޓަކުން ބޭރަށް ފުރާ ފަސިންޖަރުންގެ އަތުން ނަގާ ޓެކްސް ބޮޑުކުރަން ހުށަހެޅި އިސްލާހު ފާސްވުމުން އިކޮނޮމިކް ކްލާހުން ދަތުރުކުރާ ބިދޭސީންގެ އަތުން ނަގާނީ 50 އެމެރިކާ ޑޮލަރެވެ. އަދި ބިޒްނަސް ކްލާހުން ދަތުރުކުރާ ދިވެހިންނާއި ބިދޭސީން އަތުން ނަގާނީ 120 ޑޮލަރެވެ. 

ފަސްޓުކްލާސް ގައި ދަތުރުކުރާ ދިވެހިންނާއި ބިދޭސީން އަތުން 240 ޑޮލަރު ނަގަން ވަނީ ފާސްކޮށްފައިވެއެވެ. އަދި ޕްރައިވެޓް ޖެޓުން ދަތުރުުކުރާ އެންމެން އަތުން 480 ޑޮލަރު ނަގާނެއެވެ.