ތިލަދުންމަތީ އުތުރުބުރީ އުލިގަމުގެ ބަނދަރު ތަރައްޤީކުރުމުގެ މަޝްރޫޢުގެ 25 އިންސައްތަ މިހާރު ނިމިފައިވާ ކަމަށް އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާއިން ބުނެފިއެވެ.

އެ ވުޒާރާއިން ބުނީ، މި މަޝްރޫޢުގެ ދަށުން މިހާރު ކުރިއަށްދަނީ ބަނދަރުގެ އެއްގަމު ވާޓަރު ހެދުމުގެ މަސައްކަތްކަމަށެވެ.

ތިލަދުންމަތީ އުތުރުބުރީ އުލިގަމުގެ ބަނދަރު ތަރައްޤީކުރުމުގެ މަޝްރޫޢުގެ ތެރެއިން. ފޮޓޯ؛ އެމްޓީސީސީ

މި މަޝްރޫޢުގެ ދަށުން ކުރިން ފުންކޮށްފައިވާ ފަޅުން 10,400 ކިއުބިކް މީޓަރުގެ ސަރަޙައްދެއް ފުންކުރުމާއި، 46,181 ކިއުބިކް މީޓަރުގެ ސަރަޙައްދުގެ ބަނދަރު ފުންކުރުމުގެ އިތުރުން 21,708 ކިއުބިކް މީޓަރުގެ ސަރަޙައްދެއްގެ ނެރު ފުންކުރުމަށް ވެސް ވަނީ ހަމަޖެހިފައެވެ. މީގެ އިތުރުން 238 މީޓަރުގެ ސަރަޙައްދެއްގައި ބޭރުތޮށި ލުމާ އެކު، 180 މީޓަރުގެ ސަރަޙައްދެއްގައި ރިވެޓްމެންޓް ޖެހުމަށް ވެސް ވަނީ ހަމަޖެހިފައެވެ.

ތިލަދުންމަތީ އުތުރުބުރީ އުލިގަމުގެ ބަނދަރު ތަރައްޤީކުރުމުގެ މަޝްރޫޢުގެ ތެރެއިން. ފޮޓޯ؛ އެމްޓީސީސީ

އުލިގަމު ބަނދަރު ތަރައްޤީކޮށް އެރަށުގެ ގޮނޑުދޮށް ހިމާޔަތްކުރުމުގެ މަޝްރޫޢު މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ، އެމްޓީސީސީއާ ހަވާލުކޮށްފައިވަނީ 2023 ވަނަ އަހަރުގެ ޖުލައި މަހުގެ 18ވަނަ ދުވަހުއެވެ. މިއީ 79.8 މިލިއަން ރުފިޔާގެ މަޝްރޫޢުއެކެވެ.