"ރައްޔިތުންނާއެކު" މި ނަމުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކުރިޔަށްގެންދަވާ ޕޮޑްކާސްޓްގެ ފުރަތަމަ އެޕިސޯޑް މިއަދު މެންދުރުފަހު އޮންނާނެކަމަށް ރައީސް އޮފީހުން ބުނެފިއެވެ.

ރައީސް އޮފީހުން މިއަދު އެކްސްގައި ކުރި ޕޯސްޓެއްގައި ބުނީ "ރައްޔިތުންނާއެކު" މި ނަމުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކުރިޔަށްގެންދަވާ ޕޮޑްކާސްޓްގެ ފުރަތަމަ އެޕިސޯޑް މިއަދު މެންދުރު އެކެއް ޖަހާއިރު އޮންނާނެކަމަށެވެ.

މި ޕޮޑްކާސްޓްގެ ކުރިޔަށްގެންދެވުމުގެ މައިގަނޑު މަގްސަދަކީ ރައްޔިތުންނާ ވީހަވެސް ގާތުން މައުލޫމާތު ހިއްސާކޮށް ރައްޔިތުންގެ ހިޔާލުތަކާއި ސުވާލުތަކަށް ޖަވާބު ދެއްވުންކަމަށް ރައީސް އޮފީހުން މައުލޫމާތު ދީފައިވެއެވެ. މި ޕޮޑްކާސްޓު ހުށަަހަަޅުއްވައިދެއްވަނީ ރާއްޖޭގެ މަޝްހޫރު ޕްރެޒެންޓަރ އަޙްމަދު ޝަކީބު (ޝަކީއްބެ) އެވެ. 

މި ސަރުކާރުން އަންނަނީ ރައްޔިތުުންނަށް ހުރިހާ ކަމެއް ހާމަކުރަމުންނެވެ. އެގޮތުން ދައުލަތުގެ ހަރަދުތަކާއި އެހެނިހެން ކަންކަން ހިމެނެއެވެ.