ENGLISH

04 އޭޕްރީލު 2025

Advertisement

ސާންތީގެ ހަނދާނުގައި ތަޢުޒިޔާގެ ދަފުތަރެއް

26 މާރިޗު 2025

|

މުޙައްމަދު އަދުހަމް

ކޯޗު، އިހުސާން އަބްދުލްޣަނީ (ސާންތީ). --ފޮޓޯ: މިހާރު

މި މަހުގެ 22 ވަނަ ދުވަހުގެ ރޭ ނިޔާވި ރާއްޖޭގެ ފުޓްބޯޅައަށް ގިނަ ޚިދުމަތްތަކެއް ކޮށްދެއްވި ކޯޗު، އިހުސާން އަބްދުލްޣަނީ (ސާންތީ) ގެ ހަނދާނުގައި ކުޅިވަރާއި ހަށިހެޔޮކަމާއި ބެހޭ ވުޒާރާ އިން ތަޢުޒިޔާގެ ދަފްތަރެއް ހުޅުވާލަން ނިންމައިފިއެވެ.

ސާންތީ ކޯޗު ނިޔާވި އިރު އޭނާ ގެންދިޔައީ ކެންސަރަށް ފަރުވާ ހޯއްދަވަމުންނެވެ. ސާންތީ ކޯޗު ނިޔާވިއިރު އުމުރަކީ 51 އަހަރެވެ.

ސާންތި އަކީ ރާއްޖޭގައި އުފެދުނު އެންމެ މޮޅު އެއް ފުޓުބޯޅަ ކޯޗެވެ. ވަރަށް ގިނަ ދުވަސްތަކެއް ވަންދެން ރާއްޖޭގެ ފުޓްބޯޅަ ޓީމުގެ އެސިސްޓެންޓް ކޯޗުކަން ކޮށްފައިވެ އެވެ.

އެންމެ ފަހުން ހުންނެވީ ޔުނައިޓެޑް ވިކްޓްރީގެ ކޯޗަކަށެވެ. ކުލަބް އީގަލްސްގެ ކޯޗެއްގެ ގޮތުގައި ވަރަށް ދިގު މުއްދަތަކަށް ހުންނެވި އެވެ. އެ ޓީމަށް ބޮޑެތި ކާމިޔާބީތަކެއް ހޯއްދަވައި ދެއްވި އެވެ.

ސާންތީގެ ތަޢުޒިޔާގެ ދަފްތަރެއް ހުޅުވާލުމަށް ހަމަޖެހިފައިވަނީ މާދަމާ ހަވީރު ގަލޮޅު ރަސްމީ ދަނޑުގައެވެ. މި ކަމަށް ޚާއްސަކޮށްގެން ރަސްމިއްޔާތެއް ބޭއްވުމަށް ހަމަޖެހިފައިވެއެވެ.

ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ ޓެކްނިކަލް ޑައިރެކްޓަރުކަން ވެސް ކުރި ސާންތީ ވަނީ ކުޅިވަރަށް ޚިދުމަތް ކުރުމުގެ ދާއިރާއިން ޒުވާނުންގެ ޤައުމީ އިނާމް ހާޞިލުކުރައްވާފައެވެ.

ކިޔުންތެރިންގެ ހިޔާލު